Astanada jas pen kári qoqys jınap jarysty
«Búgingi uıymdastyrylǵan marafon burynǵylardan erekshe ári óte kreatıvti ótti. Sebebi biz sport pen tazalyqty qatar alyp júrdik. Ekoaktsııa aıasynda Esil ózeniniń boıyndaǵy qoqystardy jınap óttik. Biraq baıqaǵanym, qoqys óte az boldy. Bul astanalyqtardyń ekologııamyzdy saqtaýǵa belsendi atsalysyp jatqanyn baıqatady dep oılaımyn», — dedi Marǵulan Ermaǵanbetuly.
Marafonǵa qatysýshylar, sonyń ishinde jastar, eresekter men qarttar irgeles jatqan aýmaqtardy tazartýǵa belsendi atsalysty.
Eń jas qatysýshy, eń úlken qatysýshy jáne 1, 2, 3 júldeli oryndar taǵaıyndaldy.
Marafon jeńimpazdaryna Saryarqa aýdanynyń ákimi atynan syılyqtar men dıplomdar tabys etildi.
Esterińizge sala keteıik, osy apta «Kıeli meken» dep atalady jáne tarıhı-mádenı eskertkishterdiń aýmaǵyn abattandyrý jumystaryna arnalǵan.
Elordada barlyq turǵyndardyń kúshimen Mádenı mura nysandarynyń, eskertkishter men olarǵa irgeles aýmaqtardyń qasbetterin retke keltirý jumystary júrgizildi.
«Jasyl aımaq» dep atalatyn úshinshi aptada aǵash otyrǵyzýǵa, ekpelerdi aqtaýǵa arnalady.
4 mamyrǵa deıingi kezeń «Ónegeli urpaq» dep atalady jáne ardagerler aýlalary men qarttar úıleriniń aýmaqtaryn tazalaýǵa jáne abattandyrýǵa arnalady.
Sońǵy, besinshi aptada «Móldir bulaq» dep atalatyn sý aıdyndary — ózender men kólderdiń aınalasy qoqystan tazartylady.