Astanada jas ınnovatorlar baıqaýynyń jeńimpazdary marapattaldy

ASTANA. 16 jeltoqsan. QazAqparat - Búgin Qazaqstannyń mektep oqýshylary arasyndaǵy úzdik ınnovatsııalyq jobalar baıqaýynyń jeńimpazdary anyqtaldy. Táýelsizdik kúnine oraı ótkizilgen shara «Tehnologııalyq damý jónindegi ulttyq agenttigi» uıymdastyrdy. Qarasha aıynda jarııalanǵan baıqaýǵa eldiń barlyq aımaqtarynan 48 joba kelip túsken. Olardyń ishinde Aqmola, Pavlodar, Qyzylorda oblystarynan túsken ótinishterdiń sany edáýir kóp bolǵan. Olardyń ishinde «Meniń energııa saqtaıtyn mektebim», «Qyzanaq jınaıtyn robot-kómekshi», «Ferromgranıttik suıyqtyq - keleshek tehnologııasy» sııaqty qyzyqty da ózekti jobalardyń bolǵanyn atap ótý kerek.

«Sharanyń basty maqsaty - balalardyń ınnovatsııalyq ıdeıalaryn qoldaý, olardyń jańa tehnologııaǵa degen qyzyǵýshylyǵyn arttyrý. Jobalardy ary qara iske asyrý jóninde qarastyratyn bolamyz. Sebebi olardyń keıbiri - tipti kommertsıalızatsııaǵa shyǵarýǵa turatyndaı daıyn jobalar. ıAǵnı olar - tek maket júzinde qalmaıdy degen sóz. Balalardyń oılarynan shyqqan ınnovatsııalyq dúnıeler bizdiń ekonomıkamyzdyń suranysyna ıe bolady», - deıdi tilshilerge bergen suhbatynda «Tehnologııalyq damý jónindegi ulttyq agenttigi» AQ basqarýshy dırektory Nesipbala Ermekova.

Komıssııa qortyndysy boıynsha 5-8-synyp oqýshylary arasynda Aqsý qalasynyń 8-synyp oqýshysy Tolǵanaı Haıtar «Qoldan ashytqy jasaý» jobasymen jeńimpaz atandy. Al 9-11- synyp oqýshylary ishinen Pavlodar qalasynyń Abaı atyndaǵy №10 daryndy balalarǵa arnalǵan mektep-lıtseıdiń 11-synyp oqýshysy Sádýaqas Hákim «LAMABATEL» kópfýnktsıonaldy, azgabarıtti, mobıldi medıtsınalyq qural-jabdyq jasaqtaý» jobasymen jeńimpaz atandy.

Jeńimpaz jobalardyń avtorlary 150 myń teńge kóleminde syıaqy men dıplomdarǵa ıelense, baıqaýdyń fınalyna deıin jetken 8 joba avtorlaryna 50 myń teńge kólemindegi syıaqy men maqtaý qaǵazdary tabystaldy.