ASTANA. QazAqparat - Elordada QR Táýelsizdigi kúnine jáne Astananyń 20 jyldyǵyna arnalǵan «Rýhanı jańǵyrý - ulttyń uly muraty» atty jas aqyndar músháırasy márege jetti, dep habarlaıdy «QazAqparat» tilshisi.
«Rýhanı jańǵyrý» baǵdarlamasy aıasynda Astana qalasy ákimdiginiń tilderdi damytý basqarmasy uıymdastyrǵan ádebı baıqaý úsh kezeńnen turdy. Birinshi kezeńde 50-ge jýyq aqynnyń arasynan 10-y iriktep alyndy. Ekinshi kezeńde olardyń óleńderi saıtqa salynyp, oqyrmandardyń arasynda daýys berý júrgizildi. Úshinshi kezeńde jas aqyndar ádilqazylar men kórermenderdiń aldynda óleń oqyp, qabilet-qarymyn kórsetti.
Saıysqa Nesipbek Aıtuly, Serik Seıitman, Eldos Toqtarbaı sekildi belgili aqyndar men ádebıet synshylary qazylyq etti.
Músháıra qorytyndysynda qaraǵandylyq aqyn Raýan Qabıdoldın birinshi, elordalyq Ajar Erbolǵan ekinshi jáne taǵy bir astanalyq aqyn Alpamys Faızolla úshinshi orynǵa ıe boldy. Olarǵa dıplomdar men baǵaly syılyqtar tabys etildi.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).