Astanada jaryqtyń sóný sebebin arnaıy komıssııa anyqtaıdy

<p>Keshe keshke elordanyń biraz aýdany jaryqsyz qaldy. Odan bólek, sý da toqtatyldy. Tótenshe jaǵdaıdyń sebebin arnaıy komıssııa qaraıtyn bolady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Keshegi jaǵdaı boıynsha arnaıy komıssııa quryldy. Komıssııa tótenshe jaǵdaıdyń mán-jaıyn anyqtaýmen aınalysady. Onyń quramyna barlyq múddeli memlekettik organ ókilderi men sarapshylar kiredi. Komıssııa 10 kúnniń ishinde jumysyn aıaqtaıdy, biz nátıjesin jarııalaımyz», - dedi Energetıka mınıstrligi atomdyq jáne energetıkalyq qadaǵalaý men baqylaý komıtetiniń tóraǵasy Suńǵat Esimhanov Astana qalasy kommýnıkatsııalar qyzmeti alańynda ótken baspasóz máslıhatynda.

Odan bólek, brıfıng barysynda BAQ ókilderi ákimdik ókilinen kólik qozǵalysy týraly surady.

«Baǵdarshamdardyń isten shyǵýyna baılanysty jol-kólik oqıǵasy boıynsha taldaý júrgiziledi, aqparatty usynamyz. Jalpy bizde zardap shekkender týraly aqparat joq. Eger tyń aqparat bolsa, bizben baılanysa alasyzdar, biz ony tekseremiz, Biraq búginde ІІD-ge nemese ákimdikke mundaı jaǵdaılar ne ótinish, shaǵym túsken joq», - dep jaýap berdi Astana qalasy ákiminiń birinshi orynbasary Nurlan Nurkenov.

Buǵan deıin habarlaǵanymyzdaı, keshe keshke Astana qalasynda 100 myń abonent jaryqsyz qalǵan.