Astanada jappaı jaryq sónip qalǵanda 72 jastaǵy keıýana órtten kóz jumdy

<p>Keshegi elektr júıesindegi aqaý kezinde Astanadaǵy turǵyn úılerdiń birinde páterden órt shyǵyp, bir adam qaıtys boldy. Mamandar órttiń sebebin anyqtap jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi.</p>

«29 qazannan 30-na qaraǵan túni saǵat 00:22–de „101“ pýltine Manas kóshesi, 3/1 mekenjaıynda órt shyqqany týraly habar tústi. Aqparat túskennen keıin bir mınýt ishinde Astana qalasy TJD bólimshesiniń órt sóndirýshileri oqıǵa ornyna attandy. Olar 5 mınýttyń ishinde jetken kezde bes qabatty turǵyn úıdiń birinshi qabatynda ornalasqan páterdiń 18 sharshy metrinde jıhaz ben úı zattary órtenip jatty. Astanalyq órt sóndirýshiler saǵat 00.44-te órtti sóndirdi. Ústińgi qabattardan 51 adam qaýipsiz jerge kóshirildi. Onyń ishinde 14 bala bar» dep jazady qalalyq tótenshe jaǵdaılar departamentiniń baspasóz qyzmeti.

Órtengen páterden 72 jastaǵy áıeldiń denesi tabylǵan.

«Órt ornynan 1951 jyly týǵan áıeldiń óli denesi tabyldy. Órt sóndirýge departamenttiń jeke quramynan 16 adam men 4 tehnıka qatysty. Órt sebebi anyqtalyp jatyr» delingen departament dereginde.

Aıta keteıik, keshe túnde Astananyń birneshe aýdanynda jaryq sónip, saldarynan kommýnaldyq qyzmette aqaý paıda bolǵan edi.