Astanada jańajyldyq otshashý bolady
17:13, 20 Jeltoqsan 2024
<p>ASTANA. KAZINFORM – Elorda turǵyndary men qonaqtary úshin Jańa jyl túninde otshashý bolady. Bul týraly qala ákimi Jeńis Qasymbek málim etti.</p>
- 31 jeltoqsanda otshashý josparlanǵan. Keshe ǵana qaladaǵy 30-dan astam qoǵamdyq keńistikte shyrshalardyń shamy jaǵyldy. Qala Jańa jyl merekesin ótkizýge daıyn. Otshashý bolady, - dedi Jeńis Qasymbek ortalyq kommýnıkatsııalar qyzmeti alańynda ótken baspasóz máslıhatynda.
Aıta ketsek, 18 jeltoqsanda Astanada 30-dan astam jańa jyldyq shyrshanyń shamy jaǵyldy.
«Astana Arena» stadıonynyń aýmaǵynda qalanyń basty jańajyldyq shyrshasyn jaǵýǵa arnalǵan saltanatty is-sharaǵa myńnan astam adam jınaldy.
Eske sala keteıik, 16 jeltoqsan Qazaqstan Respýblıkasy Táýelsizdiginiń 33 jyldyǵyna oraı elordada merekelik otshashý bolmady.
Buǵan deıin Jeńis Qasymbek elordada keptelis problemasy qalaı sheshilip jatqanyn aıtty.