Astanada jańa kóp fýnktsıonaldy týrıstik aýdan salynbaq

<p>ASTANA. KAZINFORM &ndash; Elordada aýqymdy týrıstik aýdan qurý josparlanyp otyr. Onyń ishinde qonaqúıler, meıramhana jáne basqa da oıyn-saýyq ortalyǵy qurylady. Bul týraly &laquo;Ashyq NQA&raquo; portalynda jarııalandy Ónerkásip jáne qurylys mınıstrliginiń <a href="https://legalacts.egov.kz/npa/view?id=15257720" target="_blank" rel="noopener">qaýlysynda</a> aıtylǵan.</p>

Úkimettiń «Arnaıy ekonomıkalyq aımaqtardyń keıbir máseleleri týraly» 2017 jylǵy 24 qarashadaǵy №772 qaýlysyna ózgerister men tolyqtyrý engizildi.

«Elimizdegi arnaıy ekonomıkalyq aımaqtardyń aýmaǵy 846,185 gektar jer. Onyń quramyna aýdany 157,585 gektardy quraıtyn «Kóp fýnktsıonaldy týrıstik aýdan» sýbaımaǵy kiredi», - delingen qujat jobasynda.

Sondaı-aq, qaýlyda áleýmettik, densaýlyq saqtaý jáne týrızm salasyna ınvestıtsııalar tartý arqyly Astana qalasynyń jedel damýyna múmkindik beretini aıtylǵan.

Osylaısha «Astana – Tehnopolıs» arnaıy ekonomıkalyq aımaǵynyń aýmaǵyn keńeıtý kózdelip otyr.

Qaýly jobasy 12 qarashaǵa deıin qoǵam talqysyna usynyldy.

Eske sala keteıik, bıyl qańtarda Astana qalasynyń 2035 jylǵa deıingi bas jospary bekitildi.