Astanada jańa kóliktik-logıstıkalyq ortalyq ashyldy (FOTO)
Ortalyq Qaraǵandy-Astana magıstraliniń boıynda, aınalma tas joly men Qyrqynshy stansasynyń arasynda ornalasqan. Onyń aýmaǵynda 29 300 sharshy metr bolatyn qurǵaq qoıma, 13 300 sharshy metr - klımattyq qoıma, 25 000 sharshy metr - dıstrıbıýterlik ortalyq, 70 000 sharshy metr konteınerler alańy bar. Onda temperatýralyq rejım tolyǵymen saqtalǵan.
«Búgin biz Qazaqstan logıstıkasynyń damýynda úlken oqıǵaǵa - iri kóliktik-logıstıkalyq keshenniń ashylýyna kýá bolýdamyz. Onyń negizgi maqsaty men mindeti Memleket basshysynyń Ortalyq Azııadaǵy iri kóliktik habty qurý boıynsha bastamalaryna sáıkes keledi», - dep atap ótti «QTJ» UK» AQ vıtse-prezıdenti Qanat Alpysbaev.
Onyń sózine qaraǵanda, Ortalyq Azııa boıynsha «A» sanatty kóliktik-logıstıkalyq ortalyqtyń ashylýy Qazaqstannyń osy saladaǵy damýyna oń serpin bermek.
«Bizdiń oıymyzsha, atalmysh ortalyq Aqmola oblysynyń ǵana emes, Reseı Federatsııasynyń da júkterine qyzmet kórsetetin bolady», - dedi Q.Alpysbaev.
Іshki jáne syrtqy termınaldyq jelilerdi damytý maqsatynda osyndaı ortalyqtar Qazaqstannyń ózge de aımaqtarynda salynady. Oblystarda júkterdi saqtaý, jınaqtaý, irikteý úshin arnalǵan habtar qurylmaq. Olar óz kezeginde Astanamen baılanys ornatady. Osynyń arqasynda aımaqtarda halyqaralyq sanattaǵy qoımalarǵa degen qajettiliktiń orny toltyrylady dep kútilýde.
«Biz osyndaı ortalyqtardy barlyq oblystarda ashýdy josparlaýdamyz. Bul baǵdarlama 2017 jylǵa deıin qarastyrylǵan. Ortalyq málimetteri ózara baılanysta bolady», - dep atap ótti ol.
Ortalyq 1 mıllıon tonnadan astam júkti óńdeı alady. Astanada iske qosylǵan iri keshende 850 jańa jumys orny ashylyp otyr.