Astanada «Jan shýaq» qoǵamdyq júldesi tapsyryldy
Partııanyń baspasóz qyzmetinen málim etkendeı, «Jan Shýaq» syılyǵy 2008 jyly «Qazaqstan múgedekter konfederatsııasy» respýblıkalyq qoǵamdyq birlestiginiń negizin qalaýshy jáne onyń birinshi prezıdenti Iran Omarbekovtiń bastamasymen taǵaıyndalǵan júlde. Sodan beri júlde taǵdyr synyna tap bolsa da, tózimdiligimen talaıǵa úlgi bolyp, ár salada belsendiligimen tanylǵan azamattarǵa berilip keledi. 10 jyldyń ishinde elimizdiń ár óńirindegi múmkindigi shekteýli 60 azamat atalǵan syılyqpen marapattaldy. Sondaı-aq syılyq erekshe qajettiligi bar adamdardyń ómir súrý sapasyn jaqsartýǵa yqpal etken tulǵalarǵa da beriledi. Qoǵamdyq júlde partııanyń «Kedergisiz keleshek» jobasy aıasynda dástúrli túrde ótkizilip keledi.
Barsha qatysýshylar men syılyq ıegerlerin quttyqtaǵan «Nur Otan» partııasy Tóraǵasynyń birinshi orynbasary mundaı is-sharalardyń tabandylyq pen tózimdiliktiń, qajyrlyq pen qaısar rýhtyń, meıirimdilik pen izgiliktiń jarqyn kórinisi ekenin aıtty. Sonymen birge ol sońǵy aılarda «Nur Otan» partııasy óz qyzmetin jańǵyrtý maqsatynda kóptegen ıgi isterdi qolǵa alyp, naqty jobalar men tyń bastamalarǵa basymdyq berip otyrǵanyn jetkizdi.
«Múmkindigi shekteýli jandarǵa qoldaý kórsetý - Elbasy aıqyndap bergen basymdyqtarymyzdyń biri. Osy baǵytta sońǵy jyldary «Kedergisiz keleshek» jobasyn júzege asyryp kelemiz. Bıyl partııa Tóraǵasynyń tapsyrmasymen partııa qyzmetin jańǵyrtý aıasynda atalǵan jobany jandandyryp, jańasha júzege asyrýdy qolǵa aldyq. Sonyń aıasynda múmkindigi shekteýli jandardyń ınklıýzıvti bilim alýlaryna yqpal etý, jumysqa ornalasýlaryna qoldaý kórsetý, qoǵamdyq jerlerde kedergisiz orta qalyptastyrý jáne olardyń qoǵamdyq-saıası, áleýmettik-mádenı jáne sporttyq sharalarǵa qatysýyn qamtamasyz etýge baǵyttalǵan naqty jumystardy bastap kettik. Aldaǵy ýaqytta osy basymdyqtar boıynsha odan ári belsendi jumys isteımiz. Sol jolda úkimettik emes uıymdarmen jáne qoǵamdyq birlestiktermen kúsh biriktirýge daıynbyz», - dedi Máýlen Áshimbaev.
Óz kezeginde Parlament Májilisiniń depýtaty, Qazaqstan múgedekter konfederatsııasynyń prezıdenti Janat Omarbekova bul is-sharanyń basty maqsaty árbir qazaqstandyqtyń nazaryn osy máselege aýdaryp, adam quqyqtarynyń saqtalýyn qamtamasyz etý ekenin jetkizdi.
Júlde ıegerlerin Parlament Senatynyń depýtaty Birǵanym Áıtimova, Ortalyq saılaý komıssııasynyń múshesi Lázzat Súleımen, Parlament Májilisiniń depýtattary Pavel Kazantsev, Jámılá Nurmanbetova jáne Merýert Qazbekova arnaıy quttyqtap, jyly lebizderin bildirdi.
Dástúr boıynsha «Jan Shýaq» syılyǵynyń laýreattary 7 atalym boıynsha berildi. Atap aıtqanda, «Oryndaýshylyq óner» atalymy boıynsha júldege respýblıkalyq jáne halyqaralyq án baıqaýlarynda top jaryp júrgen ánshi Altynshash Muqataeva laıyq dep tanyldy. Sondaı-aq «Arbada otyryp bıleý» atalymynda - atalǵan sport túrinen Qazaqstan kýbogynyń ıegeri, halyqaralyq saıystardyń jeńimpazy Aıdana Nurtazına, «Qoǵamdyq qyzmet» atalymynda - «Jandaný» qoǵamdyq birlestiginiń tóraǵasy Zaıtjan ıÝldashev, «Qoldanbaly óner» atalymynda - aǵash sheberi, túrli balalar oıynshyǵynyń avtory Nadır ıArmagambetov, «Aspappen oryndaý» atalymynda - saýsaqtarynan aıyrylsa da saksafondy janyna serik etken álemdegi jalǵyz mýzykant Ilıa Tsıbýlskıı, «Sport salasyndaǵy jetistikteri úshin» atalymynda - nashar kóretin jáne múldem kórmeıtin jandarǵa arnalǵan «Shekarasyz sport» áleýmettik jobasynyń jetekshisi Baqtııar Bazarbekov jáne «Múmkindigi shekteýli jandardyń ómir súrý sapasyn jaqsartýǵa qosqan úlesi úshin» atalymynda «Qazaqstan Respýblıkasyndaǵy Tel-Avıv ýnıversıtetiniń dostary» zańdy tulǵalar birlestigi «Jan shýaq» syılyǵyn aldy.
Odan bólek, belsendiligimen kózge túsken birqatar múmkindigi shekteýli jandar partııanyń Alǵys hattarymen marapattalyp, qurmetke bólendi.
Aıta keteıik, is-shara aıasynda qolóner buıymdarynyń jármeńkesi ótti. Onda elimizdiń ár óńirindegi múmkindigi shekteýli jandardyń qolynan shyqqan túrli buıymdar kópshiliktiń nazaryna usynyldy.