Astanada Jambyl oblysynyń aýyl sharýashylyǵy ónimderiniń jármeńkesi ótedi

ASTANA. QazAqparat - «EKSPO-2017» halyqaralyq kórmesiniń aıasynda «Qazaqstan» sport kesheniniń aýmaǵynda 29-30 tamyz aralyǵynda Jambyl oblysynyń aýyl sharýashylyǵy taýarlarynyń jármeńkesi ótedi, dep habarlaıdy Jambyl oblysy ákimdiginiń baspasóz qyzmeti.

«Jármeńkede Jambyl oblysynyń taýar óndirýshileri quny 166,2 mln teńge bolatyn 277,6 tonnadan astam taýar alyp keledi. Onyń ishinde 10 tonna et (jylqy, qoı, sıyr eti), 2,5 tonna shujyq ónimderi, 7,5 tonna sút ónimderi, 5 myń jumyrtqa, 5 tonna qaraqumyq, 5 tonna kúrish, 0,2 tonna kondıterlik ónimder, 1,5 tonna makaron ónimderi, 5 tonna ósimdik maıy, 10 tonna qant, 1,5 tonna bal jáne 213 tonna kókónister men jemister bar»,-delingen habarlamada.

Aýyl sharýashylyǵy ónimderiniń baǵasy naryqtaǵy baǵadan 8-10 protsentke tómen bolady.