Astanada Jaqsylyq Úshkempirovti eske alýǵa arnalǵan halyqaralyq týrnır aıaqtaldy

<p>ASTANA. KAZINFORM &ndash; Búgin Astana qalasynda 11 naýryz kúni bastaý alǵan KSRO-nyń eńbek sińirgen sport sheberi, Olımpıada chempıony, Álem chempıony, Qazaqstannyń Eńbek Eri Jaqsylyq Úshkempirovti eske alýǵa arnalǵan grek-rım kúresinen 20 jasqa deıingi balýandar arasynda halyqaralyq týrnıri aıaqtaldy.</p>

Astana qalalyq sport basqarmasy málim etkendeı, dúbirli dodanyń marapattaý rásimine Astana qalasynyń Dene shynyqtyrý jáne sport basqarmasynyń basshysy Vasılıı Levıt arnaıy qatysyp, jeńimpaz sportshylardy marapattady.

10 salmaq boıynsha júlde jıyntyǵy sarapqa salynǵan jarysta 234 boz kilem sheberi bas qosty. Olardyń qatarynda elordalyq alty birdeı grek-rım kúresiniń sheberi óner kórsetti.

Halyqaralyq týrnırdiń alǵashqy jeńimpazdary qatarynan 55 keli salmaqta óner kórsetken qazaqstandyq Aıbek Aıtbekov jeńimpaz atandy. Sondaı-aq 67 kelidegi qurama úzdigi Sabaz Baǵdat osy salmaqta kúmis júldeger atandy. Al, 87 kelide óner kórsetken Qýanysh Baǵlan aqtyq synda qarsylasyna ese jiberip halyqaralyq jarystyń qolasyn qanaǵat tutty.

Osylaısha úsh kúnge sozylǵan jarystyń nátıjesinde Astana qalasynyń balýandary 2 kúmis, 1 qola júlde enshiledi.

Aıta keteıik, baıraqty báseke dańqty sportshynyń esimi berilgen Jaqsylyq Úshkempirov atyndaǵy jekpe-jek saraıynda ótti. Halyqaralyq jarysta Qazaqstan, Belgııa, Ázerbaıjan, Horvatııa, Qyrǵyzstan, Ózbekstan, Saýd Arabııasy, Ýkraına jáne Tájikstannan kelgen boz kilem sheberleri kúsh synasty.

Jarys qorytyndysy boıynsha, beıtarap eldiń sportshylary 4 altynmen jalpy esepte top jarsa, Ázerbaıjan — 3 altyn, Qazaqstan 2 altynmen úzdik úshtikti túıindedi.

Ekinshi jarys kúniniń júldegerleri:

60 keli

1-oryn – Qazaqstan - Ońdasyn Hamıtov

2-oryn – Qyrǵyzstan - Kýbaných Arınov

3-oryn – Qyrǵyzstan - Quttybek Abdýrazakov

3-oryn – Almaz Mazıtov (AIN)

67 keli

1-oryn – Ázerbaıjan - Faraım Mýstafaev

2-oryn - Qazaqstan - Baǵdat Sabaz

3-oryn – Ázerbaıjan - Tavakgýl Hazıev

3-oryn – Greır Oganesıan (AIN)

77 keli

1-oryn - Ázerbaıjan - Davýd Mammadov

2-oryn - Gamzat Gadjıev (AIN)

3-oryn - Magomed Iarbılov (AIN)

3-oryng – Ázerbaıjan - Kanan Abdýllazade

87 keli

1-oryn - Mansýr Saıtov (AIN)

2-oryn – Ázerbaıjan - Alı Temlan Gýlıev

3-oryn – Qazaqstan - Baǵdat Qýanysh

3-oryn – Ázerbaıjan - Jojý Samadov

130 keli

1-oryn - Aleksandr Melehov (AIN)

2-oryn - Horvatııa - Marko Mılanovıch

3-oryn – Qazaqstan - Johar Ýzarov

3-oryn - Saýd Arabııasy - Artýr Boıchýk

Esterińizge sala keteıik, osyǵan deıin jarystyń alǵashqy kúni kimder jeńis tuǵyrynan kóringenin jazǵan bolatynbyz.

Jarys jeńimpazdary aqshalaı syıaqy (1-oryn — 1,5 mln teńge, 2-oryn — 1 mln teńge, 3-oryn — 500 myń teńge, chempıonnyń bapkeri — 100 myń teńge) jáne medaldarmen marapattaldy.