Astanada jaǵdaıy tómen otbasylardyń úıine órtke qarsy datchık ornatyldy

<p>Táýelsizdik kúni qarsańynda elordada &laquo;10 ıgi is&raquo; atty qaıyrylymdylyq is-sharalary ótip jatyr. Basty maqsat &ndash; qala turǵyndary úshin ıgi is jasaý, dep habarlaıdy<a href="https://kaz.inform.kz/" target="_blank" rel="noopener"> Kazinform </a>qala ákimdigine silteme jasap.&nbsp;</p>

Astana qalasynyń Tótenshe jaǵdaılar departamenti jergilikti atqarýshy organmen birlesip qalanyń áleýmettik osal tobyna jatatyn otbasylardy qoldaý úshin jylytý peshterin órt qaýipsizdigi talaptaryna keltirý, elektr symdarynyń aqaýlyǵyn jaramdy kúıge keltirý, ýly gazdy anyqtaıtyn datchıkterdi qondyrý boıynsha kómek kórsetip, sonymen qatar, turǵyndarǵa órt qaýipsizdigi talaptary boıynsha túsindirme jumystaryn júrgizip jatyr. 

Foto: gov.kz

Órt qaýipsizdigi sharalary aıasynda jylytý peshterine tekserilý júrgizilip, keıbirine jóndeý júrgizildi.

Órt qaýipsizdiginiń qarapaıym sharalaryn nazardan tys qaldyrmaý qajet.
Sondaı-aq, turǵyn úıdi órtke qarsy jaǵdaımen qamtamasyz etý.

- elektr symdaryna tekserý júrgizý, tozǵan jáne ýaqytsha shema boıynsha tóselgen elektr symdaryn aýystyrý jóninde sharalar qabyldaý;
- elektr jelilerin shamadan tys júktemeńiz, jylytý úshin qoldan jasalǵan standartty emes elektr jylytý quraldaryn paıdalanbańyz;
- peshterdi qyzdyrmańyz, janǵysh materıaldardy, kirlerdi peshte keptirmeńiz;
- úsh aıda bir retten kem emes jylytý maýsymy ishinde tútin qubyrlaryn, tútin murjalaryn jáne jylytý peshteri men júıeleriniń basqa elementterin kúıeden tazartýǵa;
- balalardy úıde eresekterdiń qaraýynsyz qaldyrmańyz.

Esińizde bolsyn, órtti sóndirýden góri aldyn-alý ońaı. Órt týyndaǵan jaǵdaıda dereý 101 nómirine qońyraý shalyńyz.

Aıta keteıik, jylytý maýsymynda tótenshe jaǵdaılardyń týyndaý qaýpin azaıtý maqsatynda bıyl 15 tamyzdan bastap turǵyn úılerdi aralaý, túsindirý, halyqqa usynymdar tapsyrý jolymen profılaktıkalyq jumys júrgizilip keledi. Basty nazar halyqtyń áleýmettik osal toptaryna jatatyn úılerge aýdarylady.

Qazirgi ýaqytta jergilikti atqarýshy organnyń qoldaýymen atalǵan úılerge 411 ýly gazdy anyqtaıtyn datchık qondyryldy.
2023 jyldyń eseptik kezeńinde Astana qalasy aýmaǵynda turǵyn úıde 245 (2022-344) órt tirkeldi. Bul barlyq tirkelgen órtterdiń 61%-y.

Turǵyn úı sektoryndaǵy órttiń negizgi sebebi: elektr jabdyqtaryn montajdaý jáne tehnıkalyq paıdalaný erejelerin buzý, jylytý júıelerin paıdalaný kezinde órt qaýipsizdigi erejelerin buzý bolyp sanalady.