Astanada «ÓzgeEpic» alǵashqy iri shyǵarmashylyq haby ashyldy

<p>ASTANA. KAZINFORM &ndash; Astana qalasynyń ákimi Jeńis Qasymbek <a href="https://www.instagram.com/p/C9hXprvsrc8/?igsh=MTk0dGp6bGJqaWxteA==" target="_blank" rel="noopener">Instagram</a>-daǵy paraqshasynda jańadan ashylǵan shyǵarmashylyq hab týraly aıtty. Bul týraly elorda ákimdiginiń resmı saıty jazdy.&nbsp;</p>

«Elordada alǵashqy iri shyǵarmashylyq hab («Mırnyı dom» turǵyn úı kesheninde ornalasqan) ashyldy. «ÓzgeEpic» habyna biregeı etno-mýzeı men qolóner sheberhanasy kiredi. Munda qonaqtarǵa zamanaýı art-performans, mýzykalyq jáne ádebı keshter úshin transformer zal, zamanaýı óner galereıasy, teatr alańy jáne ulttyq oıyndardyń smart aımaǵy usynylady. Hab aýmaǵynda qazaqstandyq baspalardyń ónimderin satýǵa arnalǵan kitap dúkeni bar», - dep jazdy qala basshysy. 

Foto: Astana ákimdigi

Jeńis Qasymbek sondaı-aq Astanadaǵy habtyń shyǵarmashylyq naryqqa kóptegen mamandy qosýǵa sebepshi bolatynyn jetkizdi. 

«Memleket basshysy kreatıvti ekonomıka – talantty, shyǵarmashyl adamdardy qyzyqtyratyn iri qalalardyń damýynyń qozǵaýshy kúshi ekenin atap ótti. Astanadaǵy kreatıvti habtyń maqsaty – básekege qabiletti zamanaýı ónerdi damytý jáne qoǵamnyń mádenı sanasyn arttyrý, daryndy jáne ıntellektýaldy jastardy qoldaý ári tálimgerlik etý. Hab shyǵarmashylyq naryqqa júzdegen mamandy qosýǵa yqpal etedi», - dedi elorda ákimi. 

Foto: Astana ákimdigi

Foto: Astana ákimdigi