Astanada zańsyz ashylǵan dinı ádebıetter dúkeni anyqtaldy

ASTANA. QazAqparat – Astanada Din isteri komıtetiniń memlekettik standartyna sáıkes kelmeıtin kitaptardy zańsyz satý faktisi anyqtaldy, dep habarlaıdy QazAqparat polıtsııa departamentiniń baspasóz qyzmetine silteme jasap.

Elordalyq polıtsııa qyzmetkerleri jedel is-sharalar júrgizý kezinde «Artem» ortalyq bazarynyń aýmaǵynda ýákiletti organnyń tıisti ruqsatynsyz ádebıetter dúkeni ashylǵanyn anyqtady.

Atalǵan fakti boıynsha QR Ákimshilik quqyq buzýshylyq týraly kodeksiniń 490-baby 1-bóligi 3-tarmaǵyn (dinı ádebıetti jáne dinı mazmundaǵy ózge de materıaldardy, dinı maqsattaǵy zattardy ákelý, óndirý, shyǵarý, basyp shyǵarý jáne (nemese) taratý) negizge ala otyryp ákimshilik hattama toltyryldy.

Astana qalasy Polıtsııa departamenti ekstremızmge qarsy is-qımyl basqarmasynyń qyzmetkerleri ekstremıstik ıdeıalardy nasıhattaıtyn tulǵalardy, sondaı-aq tyıym salynǵan dinı ádebıetterdi taratý faktilerin anyqtaý maqsatynda turaqty túrde jergilikti reıdtik is-sharalar ótkizip turatynyn eskertedi.