Astanada zańsyz turǵyzylǵan turǵyn úı kesheni súriledi

<p>ASTANA. KAZINFORM &ndash; Elordanyń Nura aýdanyndaǵy Shyńǵys Aıtmatov kóshesi, 49 mekenjaıyndaǵy óz betinshe bastalǵan &laquo;Onyx-2&raquo; TK-nyń qurylysy toqtatyldy.</p>

Turǵyn úı kesheni súriledi.

Elorda aýmaǵynda turǵyn úı keshenderin zańsyz salý faktilerin anyqtaý jáne jolyn kesý Astana qalasy prokýratýrasynyń úılestirýimen júrgiziledi.

- Tapsyrys berýshi nysanda jerge tıisti quqyqsyz, zańda belgilengen tártippen saraptamadan ótken jobalaý-smetalyq qujattamasyz, tehnıkalyq jáne avtorlyq qadaǵalaýlardy súıemeldeýsiz jáne qurylys-montajdaý jumystaryn júrgizýdiń bastalǵany týraly habarlamasyz qurylys-montajdaý jumystaryn bastaǵan, bul óz kezeginde «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» zań talaptaryn buzý bolyp sanalady, - delingen Astana qalasy ákimdigi taratqan habarlamada.

Osylaısha, qurylys salýshylarǵa qatysty Qalalyq orta sapasy men baqylaý basqarmasy anyqtalǵan buzýshylyqtardy joıý jáne boldyrmaý boıynsha sharalar qabyldaýda.

Esterińizge sala keteıik, nysandardy salý kezinde «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» zańy saqtalýy tıis.

Aıta keteıik, Batys Qazaqstanda zańsyz qurylys salýdyń 28 deregi anyqtalǵan bolatyn.