Astanada zańsyz salynyp jatqan 37 kópqabatty turǵyn úı anyqtaldy
Málim bolǵandaı, zańsyz úı salyp jatqan jekemenshik kompanııalar úleskerlerdiń aqshasyn zańsyz tartyp kelgen.
«Osy negizder boıynsha aǵymdaǵy jyly atalǵan buzýshylyqtar úshin ÁQBtK-tiń 320-babymen 64 qurylys nysany boıynsha 51 qurylys salýshy ákimshilik jaýapkershilikke tartyldy», - delingen prokýratýranyń habarlamasynda.
12 qurylys salýshyǵa qatysty qylmystyq is tergelip jatyr.
Astana qalasynyń prokýratýrasy turǵyn úı qurylysyna úlestik qatysý kelesi tásilderdiń birimen uıymdastyrylatynyn eske salady:
1) Turǵyn úı qurylysynyń biryńǵaı operatorynyń (Qazaqstan turǵyn úı kompanııasy) kepildigin alý;
2) ekinshi deńgeıdegi banktiń jobasyna qatysý;
3) ǵımarattyń qańqasy salynǵannan keıin úleskerlerdiń aqshasyn tartý.
Azamattardyń qarajatyn basqa tásildermen tartýǵa tyıym salynady (aldyn ala brondaý sharty, brondaý, ınvestıtsııalaý, talap etý quqyǵyn basqaǵa berý).
Jańa soǵylyp jatqan úıden páter satyp almas buryn, qurylys salýshynyń senimdiligin tekserińiz.
Ol úshin siltemeni basý arqyly salynyp jatqan obektilerge kepildik berý sharttarynyń tizimimen, sondaı-aq Qazaqstan turǵyn úı kompanııasy shyǵarǵan kepildik sertıfıkattarymen tanysýǵa bolady.
Eger Ciz zańdy belden basqan qurylys kompanııasyna tap bolsańyz 71-24-87 nómirine qońyraý shalyńyz.