Astanada ıÝrıı Gagarınniń músini ornatyldy
Saltanatty sharany ashqan «Qazaqstan ǵarysh sapary» UK» AQ prezıdenti Erǵazy Nurǵalıev álemniń tuńǵysh ǵaryshkeriniń bul músini «Mádenıetter suhbattastyǵy - Birtutas álem» halyqaralyq qaıyrymdylyq qorynyń qoldaýymen jer betiniń kóptegen qalalarynda qatarymsyz negizde salynǵan 41-shi eskertkish ekendigin aıtty.
Ulttyq ǵarysh ortalyǵy Ǵarysh tehnıkalarynyń arnaıy konstrýktorlyq bıýrosynyń jańa ǵımaratyndaǵy músinniń resmı ashylý rásimine QR Qorǵanys jáne aeroǵarysh ónerkásibi mınıstri Beıbit Atamqulov, Qazaqstan Respýblıkasynyń ushqysh ǵaryshkeri, Halyq qaharmany, Reseı batyry, QR Parlamenti Senatynyń depýtaty Talǵat Musabaev, RF-nyń Qazaqstandaǵy Tótenshe jáne Ókiletti Elshisi Mıhaıl Bocharnıkov, «Mádenıetter suhbattastyǵy - Birtutas álem» halyqaralyq qaıyrymdylyq qory ókildiginiń jetekshisi Irına Ilıaşenko, Qazǵaryshtyń sheteldik seriktesteri jáne halyqaralyq ǵarysh forýmynyń qatysýshylary qatysty. Músin ashylǵannan keıin qonaqtar eskertkishke gúl shoqtaryn qoıdy.
Aıta keteıik, «Ǵaryshqa qazaqstandyq jol: Júzege asýy men damý keleshegi - 2017» atty halyqaralyq forýmynyń sońynda sharanyń qorytyndy qarary, yntymaqtastyq týraly resmı qujaty qabyldanady dep kútilýde.