Astanada volonter qarııalar 5-shi Dúnıejúzilik kóshpendiler oıyndarynyń uıymdastyrý jumysyna atsalysty

<p>ASTANA. KAZINFORM &ndash; Astanada volonter ata-ájeler 5-shi Dúnıejúzilik kóshpendiler oıyndarynyń uıymdastyrý jumystaryna atsalysyp júr. Bul týraly elorda ákimdiginiń resmı saıty jazdy.</p>

Kóshpendiler oıynyna tartylǵan volonterler arasynda Nura aýdany boıynsha BUÓSO-nyń 20-ǵa jýyq erikti ata-ájeler de bar.

«Kúmis eriktiler» klýbynyń ájeleri elimizde ótip jatqan tarıhı oqıǵaǵa belsene atsalyp, «Uly dala dúbiri» kóshpendiler oıynynyń qonaqtaryn qarsy alý jumysyn uıymdastyrǵan.

Erikti ata-ájeler tańǵy saǵat 10-nan bastap belgilengen nysandarda ishki tártip jumystaryn júrgizdi. Etnoaýyldaǵy kórermender men qala qonaqtaryna oıynnyń baǵdarlamasy men nysandardyń ornalasýy boıynsha anyqtamalyq kómekter kórsetip, qoǵamdyq tártiptiń saqtalýyna óz úlesterin qosty. 

Erikti Lázzat Dúısebaıqyzy bastaǵan «Kúmis eriktiler» klýby Reseı men Brazılııadan kelgen eriktilermen birlesip, 36 nysannyń aýmaǵynda qyzmet kórsetedi.