Astanada Vengr revolıýtsııasy kúnine oraı Majarstan elshisiniń qabyldaýy ótti
«Vengrııadaǵy memlekettiń deńgeıde atalyp ótetin mańyzdy úsh merekeniń biri osy Vengr revolıýtsııasy kúni. Táýelsizdik jolyndaǵy kúres bizge ońaıǵa túspedi, qandy kúres arqyly kelgen qasıetti táýelsizdikti qadir tutamyz jáne bolashaq urpaqqa tutastaı jetkizetin bolamyz. Bizdiń təýelsizdigimizdiń jarqyn jetistikteriniń biri - əlem elderimen dostyq, saıası-ekonomıkalyq qarym-qatynas ornatý. Osy turǵyda baýyrlas qazaq eliniń alatyn orny erekshe. Majarstan ərqashan baýyrlas túrki elderimen jyly qarym-qatynasty saqtaı bildi jəne biz úshin ol úlken mərtebe. Óz sózime dəlel keltirsem, jýyrda Qyrǵyzstan astanasy Bishkek qalasynda ótken Túrki keńesi Syrtqy ister mınıstrleriniń jıynynda Majarstan resmı túrde TWESCO-ǵa baqylaýshy mártebesine ıe boldy, bul óz kezeginde túrki tildes baýyrlardyń ara qatynasyn jaqyndata túsetini sózsiz. Al Qazaqstanmen baılanys ol bólek əńgime, osy jerde qyzyqty məlimetpen bóliser bolsam, statıstıkalyq kórsetkishterge súıensek, Astana men Býdapesht arasyndaǵy áýe qatynasy ýaqyt erejesin qatań saqtaıtyny belgili boldy, atap aıtqanda eki qala arasyndaǵy áýe qatynasynyń 98% tıisti kestege sáıkes oryndalady. Bizdiń dostyǵyzdy jalǵastyratyn taǵy bir sebep - sport. Qazaqstannyń fýtbol quramynda 3 majar azamaty oınaıdy, bul da bir ekijaqty qarym-qatynastyń belgisi», - dedi Majarstannyń Qazaqstandaǵy elshisi Andrash Baranı.
Elshi myrza óz sóziniń sońynda jınalǵan qaýymǵa alǵysyn bildirip, atalǵan jıynnyń eki halyq arasyndaǵy dostastyqty odan ári nyǵaıta túsetinine senim bildirdi.
Aıta ketken jón, 2017 jyly Qazaqstan men Majarstan arasyndaǵy taýar aınalymy 350 mıllıon AQSh dollaryna jetti.
Odan bólek, ústimizdegi jyldyń tamyz aıynda Majarstanda «Turan» túrki halyqtarynyń dúnıejúzilik quryltaıy ótip, onda quryltaıdy uıymdastyrýdaǵy Qazaqstannyń qosqan úlesi atap ótilgen bolatyn.
Sonymen qatar quryltaı aıasynda respýblıkalyq «Egemen Qazaqstan» gazeti men «QazAqparat» HAA qoldaýymen Qazaqstannyń Vengrııadaǵy Elshiligi uıymdastyrǵan «Uly dala rýhy» fotokórmesi ashyldy.
Sol sııaqty osy jyldyń naýryz aıynda QR Bilim jáne ǵylym mınıstrligi málim etkendeı, arnaıy komıssııanyń sheshimimen Majarstan joǵary oqý oryndarynda bilim alý úshin irikteýden ótken 200 qazaqstandyq talapkerge grant bólingen bolatyn, Elshi myrza óz sózinde atalǵan granttyń keler jyldan bastap 250-ge kóbeıetinin aıtyp ótti.
Óz kezeginde QR Syrtqy ister vıtse-mınıstri Ǵalymjan Qoıshybaev Qazaqstan men Majarstan arasyndaǵy qarym-qatynas ózara dostyq pen túsinistiktiń negizinde qalanǵanyn aıta kele: «Eýropada biz úshin majarlardan artyq mádenıet pen dástúri jaqyn halyq joq. Majarstan bizdiń saýdadaǵy belsendi áriptesimiz, oǵan dálel eki eldiń 50-den asa kásipornynyń saýda salasynda óz isin dóńgeletýi. 26 jyl ishinde eki el arasynda birqatar birlesken jobalar da júzege asyryldy, sonyń ishinde jalpy somasy 40 mln AQSh dollaryn quraıtyn Aýyl sharýashylyǵy ınvestıtsııalar qorynyń qurylǵanyn aıryqsha aıtyp ótken jón. Budan bólek aldaǵy qarasha aıynda Býdapeshte Qazaqstan-Majarstan úkimetaralyq otyrysy ótedi. Sondyqtan eki eldiń əli de birigip atqaratyn ıgi isterdiń kóptigine senimim mol», -dep atap ótti.