Astanada vaktsına alǵandar arasynda 2 bólmeli páter oınatylady

NUR-SULTAN. QazAqparat - Bıyl qyrkúıek aıynda Nur-Sultanda vaktsınatsııalanǵandar arasynda eki bólmeli páter oınatylady, dep habarlaıdy QazAqparat qala ákimdiginiń resmı saıtyna silteme jasap.

Elordada jyljymaıtyn múlikti osy jyldyń 25 maýsymy men 31 tamyzy aralyǵynda vaktsınanyń birinshi komponentin alǵan 18 jastan asqan qala turǵyndary utyp ala alady.

Bul utys oıynyna vaktsınatsııanyń barlyq pýnktinde ekpe alǵandar qatysady: medıtsınalyq mekemeler, SOO/SÚ. Utys oıynyna qatysý avtomatty túrde júrgiziledi.

Arnaıy qujat toltyryp, tirkelýdiń qajeti joq. Eki bólmeli páterdiń utys oıyny tikeleı efırde ótedi.

Elorda ákimdigi vaktsına alǵandar arasynda iPhone12 jáne basqa da qundy júldelerdiń utys oıynyn apta saıyn ótkizip turatynyn eske salamyz.

Mysaly, 9 shildeden bastap vaktsınatsııalanǵandardyń arasynda iPhone 12 telefonynyń 13 danasy, sol sııaqty tórt tońazytqysh, úsh teledıdar, eki planshet, úsh mıkrotolqyndy pesh, bes prınter, eki beınetirkegish, kir jýǵysh mashına, Alısa aqyldy kolonkasy jáne aýany ylǵaldandyrǵysh oınatyldy.

Aıta ketý kerek, utys oıyndary demeýshilerdiń kómegimen ótkiziledi.

Vaktsına alǵandar arasynda iPhone12 jáne basqa da baǵaly syılyqtardyń kezekti altynshy utys oıyny 14 tamyz kúni (senbi) Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda tikeleı efırde ótedi.

Sondaı-aq, «MEGA Silk Way» SOO-daǵy vaktsınatsııa pýnktinde 23 maýsym men 31 tamyz aralyǵynda vaktsınatsııanyń birinshi komponentin alǵandar arasynda avtomobıl utysy ótedi.

Budan bólek, ekpe alǵandar arasynda baǵaly júldelerdiń utys oıyny ózge de SOO men SÚ-lerdegi vaktsınatsııa pýnktterinde ótedi.

Birge platformasynda utys oıynynyń jeńimpazdaryn anyqtaý úshin arnaıy randomaızer servısi ornatylǵan. Ony ázirleýge IT-qaýymdastyq qatysty. Ekpe alǵandar boıynsha servıs QR Densaýlyq saqtaý mınıstrliginiń aqparattyq júıesimen biriktirilgen.

Baǵaly syılyqtardyń utys oıyndary qala turǵyndaryn vaktsınatsııalaýǵa yntalandyrý úshin ótkiziledi.

Vaktsınatsııa ǵana óz densaýlyǵyńyzdy da, jaqyndaryńyz ben aınalańyzdaǵy jandardyń densaýlyǵyn da qorǵaýǵa múmkindik beredi.

Óıtkeni, basty maqsat – ujymdyq ımmýnıtetti damytý jáne karantınge deıingi rejımge oralý.