Astanada úıinde qoldan nasybaı jasaıtyndardan 30 keli ónim alyndy
Reıd bastalǵannan beri elordanyń bes aýdanynda 900-den astam saýda núktesi tekserildi.
Polıtsııa departamentiniń qyzmetkerleri aýdan ákimdikterimen birlesip shekpeıtin temeki ónimderin, onyń ishinde nasybaı óndirisi boıynsha jerasty tsehtarynyń 160-tan astam faktisin anyqtady.
Baıqońyr aýdany boıynsha Seıfýllın, J. Omarov, Imanov, Kenesary, ıAnýshkeevıch, Ýálıhanov,Sembınov, Jangeldın, Otyrar, Lermontov kóshelerindegi jáne Alash tasjolyndaǵy 219 kásipkerlik nysanynyń nasybaı men snıýsti zańsyz satý máselesi tekserildi.
Reıd nátıjesinde 7 satý núktesine 25 AEK (92 300 teńge) mólsherinde aıyppul salyndy.
Esil aýdanynda shekpeıtin temeki ónimderin satýdyń 23 faktisi anyqtaldy, onyń ishinde nasybaı saýdasy úshin 19 fakt jáne kámeletke tolmaǵan tulǵalarǵa veıp satýdyń 6 faktisi tirkelip, 25 AEK aıyppul salyndy.
Saryarqa aýdanynda 300-den astam jeke kásipkerlik nysanyna reıd júrgizildi.
60-tan astam buzýshylyq anyqtalyp, jalpy aıyppul somasy 4 mıllıon teńgeden asatyn 30 kelige jýyq nasybaı tárkilendi.
Nura aýdanyndaǵy Asfendııarov kóshesi, Ánet baba kóshesi, Syǵanaq kóshesi, Baǵlanova kóshesi, Uly dala kóshesi, Muhamedhanov kóshesi, Otyrar kóshesi, E-15 kóshesi jáne Úrker KJK Isataı batyr kóshesinde ornalasqan 167 dúkende profılaktıkalyq túsindirý jumysy júrgizildi.
Reıd qorytyndysy boıynsha alty dúkenge aıyppul salyndy.
Sondaı aq reıd kezinde Almaty aýdanynda 57 buzýshylyq anyqtaldy:
— Nasybaı satýdyń 42 faktisi tirkelip, 25 AEK boıynsha aıyppul salyndy.
— Mekemelerde temeki ónimderin (kalıan) tutynýdyń 21 faktisi tirkelip, 15 AEK aıyppul salyndy.
— Jıyrma bir jasqa tolmaǵan jastarǵa temeki ónimderin satýdyń 1 faktisi anyqtalyp, 15 AEK aıyppul salyndy.
Tárkilengen shekpeıtin buıymdar joıyldy.
Shaǵyn jáne orta bıznes arasynda buzýshylarmen shekpeıtin temeki ónimderin satýǵa jol bermeý týraly profılaktıkalyq áńgime ótkizildi.