Astanada úı janýarlaryn chıpteý mindetteledi
«Astana qalasynyń ákimi Áset Isekeshovtiń nusqaýy boıynsha elordadaǵy barlyq salanyń qyzmeti tsıfrlandyrylýy tıis. Qalalyq ákimshilik úı janýarlaryna erekshe kóńil bólmek. Astana ákiminiń orynbasary Malıka Bekturova úı janýarlaryn elektrondy júıege tirkeýge qatysty tapsyrma berdi. Búgingi tańda kompanııa tarapynan elordadaǵy mal dárigerleri qyzmet kórsetetin emhanalardy iske qosý jumystary bastaldy»,-dep jazdy Oljas Sartaev Facebook-tegi paraqshasynda.
Onyń aıtýynsha, úı janýary men onyń ıesine qatysty derekterden turatyn medıtsınalyq aqparattyq júıe qurylady. Atalmysh júıe halyqaralyq analogty nusqalarǵa sáıkes qurastyrylǵan. Oljas Sartaev júıeniń qalaı jumys isteıtinin máálim etti. Janýardyń ishki terisine mıkro-chıp engizilip, oǵan qatysty derekter júıege jazylady. Nátıjesinde qaladaǵy barlyq janýardyń derekter bazasy iske qosylady.
Oljas Sartaevtyń aıtýynsha, chıpti tasylmaldaýmen belgili bir memlekettik kásiporyn aınalysatyn bolady.
Sonymen qatar, chıpke baılanysty biryńǵaı tarıf bekitiledi. Onyń sózine qaraǵanda, búgingi tańda chıptiń ózindik quny 300 teńge turatyndyǵyna qaramastan, birneshe jerde 1500 teńgeden satylyp, qyzmet qunyn qosqanda 2000 teńgege jetken.
Foto: media.lrytas.lt