Astanada úı kezeginde turǵan 200-ge jýyq otbasy baspanaly boldy

NUR-SULTAN. QazAqparat - Nur-Sultan qalasynyń ákimi Altaı Kólginov Instagram paraqshasynda kezekte turǵan turǵyndarǵa páter kilti tabystalǵanyn málim etti, dep habarlaıdy QazAqparat.

Bul jaıynda qala basshysy Alta Kólginov Instagram paraqshasynda málim etti.

«Jańa jyldy qala turǵyndarynyń bir bóligi kópten kútken páterinde qarsy alady. Búgin jyldar boıy kezekte turǵan elordalyqtarǵa páter kilti tabystaldy. Olardyń arasynda jetim balalar, erekshe qajettiligi bar balalardy tárbıelep otyrǵan otbasylar, múgedekter, tolyq emes otbasylar, zeınetkerler jáne t.b. bar.

Turǵyn úı kesheni Almaty aýdanynda ornalasqan (Sh.Qudaıberdiuly kóshesi). Kezekte turǵan 200-ge jýyq otbasyǵa atalǵan turǵyn úıden páter berildi. Kóktemde aýmaǵyn abattandyryp, aǵash otyrǵyzamyz. Osy aıda kezekte turǵan 2 myńnan astam otbasy áleýmettik páterdiń kiltin aldy» dep jazdy Altaı Kólginov.

Memleket basshysynyń tapsyrmasy boıynsha bıyl qoljetimdi jeńildikpen beriletin turǵyn úı sany 10 myń áleýmettik páterge deıin ulǵaıdy.

Sońǵy 3 jyldyń ózinde qoljetimdi jeńildikti turǵyn úı sany 5,5 esege artty.

Mysaly, 2018 jyly 1800 páter, 2019 jyly 2 900 páter salynsa, 2020 jyly 7 myńnan astam qoldanysqa berildi. Bul kórsetkish aldaǵy jyldary da saqtalmaq.

«Jańa 2022 jyly taǵy da 10 myń áleýmettik páter salamyz. Daıyndyq jumystary bastaldy.

Sonymen qatar, Elbasynyń bastamasymen qolǵa alynǵan «Jumys isteıtin jastarǵa jalǵa beriletin turǵyn úı» baǵdarlamasyn jalǵastyramyz, bıyl da jastarǵa arnalǵan «Elorda Jastary» arnaıy turǵyn úı baǵdarlamasyn iske qostyq.

Qonys toı qutty bolsyn! Árbir otbasyǵa amandyq tileımin!» - dep túıindedi sózin ákim.