Astanada úshinshi toqsannan bastap myńdaǵan bala jańa mektepke barady

<p>Elordada úshinshi toqsannan bastap taǵy úsh mektep ashylady. Bul jaıynda qala ákimi Jeńis qasymbet habardar etti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Foto: Astana ákimdigi

Bul mektepter — Turan dańǵyly men № 24 kóshede 2400 oqýshyǵa arnalǵan (2 aýysymdy), № 5 mektep aýmaǵynda 1200 orynǵa arnalǵan jańa ǵımarat (2 aýysymdy), Turan dańǵylynda ornalasqan Zerde daryndy balalarǵa arnalǵan mektep (Barys Arenanyń art jaǵy).

Foto: Astana ákimdigi

Foto: instagram/jenis_qasymbek

«Osylaısha oqý jylynyń basynan bastap 11 mektep saldyq. Qazirgi oqý jylynyń sońyna deıin taǵy 4 mektep ashamyz. Búgin qalany aralaý barysynda olardyń qurylysymen tanystym. Oqý oryndaryn sapaly jáne ýaqytynda salýdy tapsyrdym. Sonymen qatar, Memleket basshysynyń tapsyrmasy boıynsha qalada „Jaıly mektep“ ulttyq jobasyn iske asyramyz. Joba aıasynda 2024-2025 jyldar aralyǵynda 90 myńǵa jýyq oqýshy ornyna (2 aýysymdy) arnalǵan jańa formattaǵy 24 mektep salamyz» dep jazdy Instagram paraqshasynda Jeńis Qasymbek.

Foto: Astana ákimdigi

Ol mekteptiń 15-i qarqyndy damyp kele jatqan Esil men Nura aýdandarynda ornalasady.

Foto: Astana ákimdigi

2027-2028 jyldarǵa deıin bas-aıaǵy 200 myńǵa jýyq oqýshy ornyna (2 aýysymdy) arnalǵan 80-nen asa mektep salý josparlanyp otyr.

Foto: Astana ákimdigi