Astanada UOS-tyń 70 jyldyǵyna arnalǵan «Jeńiske qurmet» marafon-aktsııasy bastalady
Aktsııa sheńberinde Jeńistiń aýyspaly vympeli keń baıtaq Qazaqstandy sharlap, respýblıkamyz boıynsha segiz áskerı bólimde bolady. Astanadaǵy 36-shy desantty-shabýyldaýshy brıgadadan bastaý alatyn aktsııa elimizdiń barlyq negizgi áskerı bólimderin aralap shyǵady.
5 qańtar - Qaraǵandyda, 6 qańtar - Semeıde, 8 qańtar - Qapshaǵaıda, 9 qańtar - Otarda, 12 qańtar - Aqtaýda jáne 13 qańtar - Almatyda bolady.
Bul kúnderi Uly Otan soǵysynyń ardagerlerin ulyqtaý rásimi ótedi. Ardagerlerge QR QK Joǵarǵy Bas qolbasshysy N.Á. Nazarbaevtyń atynan quttyqtaýlar men syılyqtar tapsyrylady.
Olarǵa QR Qorǵanys mınıstrliginiń Qurmetti qaraýyl rotasy qurmet kórsetedi. 15 qańtarda búkil elimizdi aralap shyqqan Jeńis vympeli bolashaq Otan qorǵaýshylary bilim alatyn - Keńes Odaǵynyń Batyry, Halyq Qaharmany armııa generaly Saǵadat Nurmaǵambetov atyndaǵy «Jas ulan» respýblıkalyq mektebine resmı túrde tabys etiledi. Bul saltanatty shara urpaqtar sabaqtastyǵy men beıbit ómir úshin kúresken aǵa býynǵa adaldyqty beıneleıdi.