Astanada UOS ardagerleriniń óskeleń urpaqty tárbıeleýdegi róli talqylanady - «Bolashaq búginnen bastalady!» aktsııasy

ASTANA. 23  qazan. QazAqparat - 23 qazan kúni «Bolashaq búginnen bastalady!» respýblıkalyq aktsııasy aıasynda Astana qalasyndaǵy L.N.Gýmılev atyndaǵy  Eýrazııa ulttyq ýnıversıtetinde

«Jeńis murasy: Óskeleń urpaqqa patrıottyq tárbıe berýdegi jáne olardyń azamat retinde qalyptasýyndaǵy ardagerlerdiń róli» taqyrybynda respýblıkalyq ǵylymı-tájirıbelik konferentsııa ótedi.

Sharany uıymdastyrýshy - Qazaqstan Respýblıkasy Bilim jáne ǵylym mınıstrliginiń qoldaýymen «Jas qyran» áskerı-patrıottyq birlestikteriniń Respýblıkalyq damytý ortalyǵy.

Ǵylymı-tájirıbelik konferentsııanyń maqsaty - tarıhı qundylyqtardyń negizinde jastarda patrıottyq sezimdi qalyptastyrý, jas býyndy otanshyldyq rýhta tárbıeleý jáne  patrıottyq tárbıe júıesin jetildirý boıynsha usynymdardy jınaqtaý jáne taratý.

Konferentsııa jumysyna QR Parlamenti Májilisiniń depýtattary, belgili qoǵam jáne ǵylym qaıratkerleri, ortalyq atqarýshy organdar men ardagerler uıymdarynyń ókilderi,  Uly Otan soǵysynyń ardagerleri, áskerı-patrıottyq uıymdardyń kóshbasshylary qatysatyn bolady.

Shara barysynda Uly Otan coǵysynyń ardagerlerine syılyqtar tabys etiletin bolady.