Astanada UOS ardagerlerine arnalǵan «Shattan, jeńisti kóktem!» atty patrıottyq ánder festıvali ótti
Atalmysh shara osydan bir aı buryn, 9 sáýir kúni bastalǵan «Kóktemniń shýaqty kúnderi» aktsııasy aıasynda ótkizilýde. Aıta keterligi, bul aktsııa aıasynda «erlik sabaqtary», dóńgelek ústelder, patrıottyq ánder baıqaýy, saıystar, estafetalar jáne merekelik kontsertter sııaqty jalpy 4 myńnan astam túrli sharalar ótkizilgen. «Shattan, jeńis kóktemi» atty patrıottyq án festıvali sol ıgi sharanyń qorytyndy keshi bolyp sanalady.
Qalalyq bilim basqarmasynyń bastamasymen dástúrli túrde ótkiziletin aılyqtyń qorytyndy sharasyna soǵys ardagerleri, ustazdar jáne oqýshylar qatysty. Jeńis kúnine arnalǵan merekelik festıvaldi «Sovremennık» jáne «Nur» balalar teatrlarynyń soǵys taqyrybyndaǵy qoıylymy ashty.
Buǵan qosa, «Shoqjuldyzdar» bı ansambli «45-jyldyń kóktemi» atty kompozıtsııa usyndy. Baǵdarlamany №10 mektep-gımnazııasy oqýshylary quraǵan vokaldyq toptyń oryndaýyndaǵy soǵys jyldaryndaǵy ánderi jalǵastyrdy. Olardyń oryndaýynda «Álııa», «Jasa, Qazaqstan!», «Kók oramal» syndy otanshyldyq sezimdi oıatar keremet ánder shyrqaldy. Sondaı-aq, kórermender aldynda «Báıterek» bı ansamblderi óner kórsetti. Qaharmandyqtyń uranyna aınalǵan «Jeńis kúni» áni merekelik kontsertti aıaqtady.
Tarıh qoınaýynda erlik pen eldiktiń eren rýhyn pash etken Jeńistiń 67 jyldyǵy kelip qaldy. Bilim basqarmasynyń bastyǵy Ásıma Bımendınanyń aıtýynsha, festıval dúnıedegi beıbitshilik baǵyna surapyl soǵys qaharyn tókkende Otanymyzdy qorǵaýǵa attanǵan elimizdegi mıllıondaǵan er-azamattardyń erligin óskeleń urpaqqa tanytyp, dáripteý maqsatynda uıymdastyrylyp otyr.