Astanada «Uly Jeńis - urpaqqa amanat» atty kórme ótedi

ASTANA. QazAqparat - «ALJIR» memorıaldy-murajaı kesheniniń «Biz kýálik etemiz» shaǵyn zalynda «Uly Jeńis - urpaqqa amanat» atty kórme uıymdastyryldy. Kórme Uly Otan soǵysyndaǵy Jeńistiń 70 jyldyǵyna oraılastyrylǵan jáne jeltoqsan aıyna deıin ótedi. Bul týraly elorda ákimdiginiń resmı saıtynda habarlady.

«Uly Jeńis - urpaqqa amanat» atty kórmeniń maqsaty Uly Jeńistiń 70 jyldyǵy qarsańynda qan maıdanda erlikpen kúresken, tamasha eńbegimen elimizge beıbit ómir syılaǵan maıdanger atalarymyzdyń rýhyna bas ıip, eske alý bolyp tabylady.

Halqymyz úshin zor shyǵynmen kelgen Jeńistiń qadir-qasıeti maıdangerlerdiń de, soǵys qasiretin bala bolyp tartyp eseıgen bizdiń ákelerimizdiń de, keıingi urpaqtyń da jadynda saqtalýy kerek. Qolǵa qarý alyp, dushpanǵa qarsy shyqqan, beıbit ómirmen qaýyshqanda olar qıraǵan sharýashylyqty qalpyna keltirip, bar ǵumyrlaryn bizge arnaǵan ardagerler men tyl eńbekkerlerine máńgi qaryzdarmyz.

Kórmede eren erlik pen ólsheýsiz eńbektiń arqasynda qolymyz jetken beıbitshilikti saqtaý úshin qan maıdanda shaıqasqan jaýynger atalarymyz ben apalarymyzdyń fotosýretteri men keıbir muraǵattyq qujat kóshirmeleri kórsetilgen.