Astanada «Uly Jeńis - urpaqqa amanat» atty beınepanoramaly kórme ótedi
Uıymdastyrýshylardyń aıtýynsha, kórmeniń maqsaty - Uly Jeńistiń 70 jyldyǵy qarsańynda qan maıdanda erlikpen kúresken, tamasha eńbegimen elimizge beıbit ómir syılaǵan maıdanger atalarymyzdyń rýhyna bas ıip, eske alý bolyp tabylady.
Kórmede eren erlik pen ólsheýsiz eńbektiń arqasynda qolymyz jetken beıbitshilikti saqtaý úshin qan maıdanda shaıqasqan jaýynger atalarymyz ben apalarymyzdyń fotosýretteri men keıbir muraǵattyq qujat kóshirmeleri kórsetilgen.
Eske salaıyq, Astanada Uly Otan soǵysyndaǵy Jeńistiń 70 jyldyǵyna oraı birqatar sharalar uıymdastyrylady. Olardyń qatarynda kórmeler, saıystar, eske alý keshteri, ardagerlermen kezdesýler bar. Qazirdiń ózinde qalalyq kitaphanalarda «Atamdy maqtan tutamyn!» atty aktsııa aıasynda kitap kórmeleri, estelik estafetasy, ıntellektýaldy oıyndar ótedi.