Astanada «Uly dala batyrlary» kitabynyń tusaýy kesildi

ASTANA. QazAqparat – Astanada Ekinshi dúnıejúzilik soǵysta erlik kórsetken maıdangerler men búgingi beıbit zamannyń batyrlary týraly «Uly dala batyrlary» atty kitaptyń tusaýy kesildi, dep habarlaıdy QazAqparat Polisia.kz-ke silteme jasap.

Anyqtamalyq-entsıklopedııalyq jınaq «Іshki ister organdary men Ulttyq ulannyń qazaqstandyq ardagerler uıymy» qoǵamdyq birlestiginiń bastamasymen, sonymen qatar Іshki ister mınıstri Marat Ahmetjanovtyń qoldaýymen jaryqqa shyqty.

Sharaǵa áıgili ǵaryshker, Halyq qaharmany Toqtar Áýbákirov pen burynǵy ishki ister mınıstri, Halyq qaharmany Qaıyrbek Súleımenov qatysty.

«Bul kelesi urpaqqa úlken ónege. Osyndaı erliktiń arqasynda, osyndaı azamattardyń arqasynda búgin egemendikti alyp, úlken bir jarqyn memleket bolyp, damyp jatyrmyz. Men óz atymnan, sondaı-aq áriptesterimniń atynan Uly Otan soǵysynyń ardagerlerine, Halyq qaharmandaryna taǵzym etip, kitap shyǵarý bastamasyn kótergen ujymǵa alǵysymdy bildirgim keledi», – dedi mınıstr Marat Ahmetjanov.

Shara barysynda ІІM ardagerler uıymynyń tóraǵasy Ómirzaq Bolsambekov vedomstvo murajaıyna tarıhı entsıklopedııany syıǵa tartty.

Eks-mınıstr Q.Súleımenov: «Mundaı kitaptar birinshi kezekte biz úshin emes, jastarymyz úshin, jeke quram úshin jáne jalpy memleketimizdiń jas býynyna arnalady», – dep atap ótti.