Astanada «Uly babalar joly» kórmesi ótip jatyr
Kórmege kelýshiler QR halyq sýretshisi Á. Ysmaıylov jáne belgili sýretshiler K. Mýllashev, E.S. Aıtýarov, I. Achılov, S. Smaǵulov, N.A. Tereşenko, A. Baıandın, M.S. Baıtenovtiń týyndylarymen tanysa aldy. Sondaı-aq Qazaq handyǵynyń 550 jyldyǵyna arnalǵan kórmede qolóner sheberleri B. Álibaı jáne T.G. Muqashevtyń jumystary qoıyldy.
Іs-sharanyń maqsaty - óskeleń urpaqty patrıotızmge tárbıeleý, elimizdiń ulaǵatty tarıhyn dáripteý arqyly ulttyq sana-sezimdi qalyptastyrý. Ásem týyndylar qazaq handyǵy qalyptasqan 550 jyldan bergi tarıhı mazmuny erek, eleýli oqıǵalardan syr shertedi. Kórmede kópshilik nazaryna sheberlerdiń zergerlik buıymdary, qazaqtyń áskerı saýyt-saımandary, tabıǵı kórinister jáne tarıhı tulǵalardyń portretteri, sondaı-aq sýretshilerdiń tarıhı dataǵa arnalǵan jańa týyndylary usynyldy.
«Uly babalar joly» atty kórmeni uıymdastyrýshylar - Astana qalasynyń Mádenıet basqarmasy men Táýelsizdik Saraıy, dep habarlaıdy astana.kz .