Astanada «Uly babalar joly» atty kórme ashyldy (FOTO)
«2015 jyl Qazaqstan Respýblıkasynda tarıhı oqıǵalarǵa toly boldy. Sondyqtan, Táýelsizdik saraıy, Astana qalalyq Sýretshiler odaǵy men halyq sýretshisi Áýbákir Ysmaılovtyń otbasy birlese otyryp, «Uly babalar joly» degen kórmeni uıymdastyryp otyrmyz. Kórmege Astana qalasyndaǵy sýretshiler odaǵyna múshe sheberlerdiń, sondaı-aq Qazaqstannyń halyq sýretshisi jáne Qazaqstan Sýretshiler odaǵynyń negizin qalaǵan, tuńǵysh tóraǵasy bolǵan Áýbákir Ysmaılovtyń sýretteri qoıyldy. Jalpy, kórmege 34 sýretshiniń 125-ten astam jumysy qoıylǵan», -deıdi Táýelsizdik saraıy dırektorynyń orynbasary, tarıh ǵylymdarynyń kandıdaty Bıbinur Sanaqulova.
Kórmege qoıylǵan qundy týyndylardyń birazy Áýbákir Ysmaılov pen Kámil Mýllashevtiń qolynan shyqqan sýretter. Aıta keteıik, Áýbákir Ysmaıylov - elimizdiń alǵashqy kásibı sýretshileriniń biri, óner qaıratkeri bolsa, Kámil Mýllashev Qazaqstan Respýblıkasyna eńbegi sińgen mádenıet qaıratkeri, Tatarstan Respýblıkasynyń halyq sýretshisi.