Astanada Ulttyq tarıhshylar kongresiniń jıyny ótti

ASTANA. 27 qazan. QazAqparat - Astanada Gýmılev atyndaǵy Eýrazııa ulttyq ýnıversıtetinde Ulttyq tarıhshylar kongresiniń jıyny ótti. Basqosýda «Halyq tarıh tolqynynda» baǵdarlamasy aıasynda atqarylǵan jumystar saralandy. Jıynda sondaı-aq tarıh salasynda qordalanyp qalǵan túıtkildi máseleler sóz bolyp, onyń sheshý joldary talqyǵa salyndy, dep habarlaıdy madeniettv.kz.

Qazaqstan tarıhshylarynyń 1-shi Kongresi 2011 jyly ótkizilgen bolatyn. Endi mine, tarıhshylar taǵy da bas qosyp, osy saladaǵy búgingi kúnniń ózekti máseleleri men ony sheshý joldaryn ortaǵa tastady.

Qazaqstan Respýblıkasynyń Bilim jáne ǵylym Mmnıstrligi men Mádenıet jáne aqparat mınıstrligi, «Qazaqstan tarıhshylarynyń Ulttyq kongresi» qoǵamdyq birlestiginiń uıymdastyrǵan sharasyna el aýmaǵynan, jáne shet memleketterden tarıh salasynyń mamandary jınaldy.

Alqaly jıynda qyrkúıek aıynda Memlekettik hatshy Marat Tájınniń tóraǵalyǵymen Aqordada ótken Ulttyq tarıhty zerdeleý jónindegi vedomstvoaralyq jumys tobynyń otyrysynda aıtylǵan tapsyrmalardyń oryndalý barysy talqylandy.

Sońǵy 4 aıdyń ishinde merzimdi baspasóz betterinde tarıhqa qatysty 400-den astam, al, elektrondy quraldarda 800-ge jýyq maqalaǵa shyqqan. Kúndelikti jańalyqtar men baǵdarlamalardan kórsetilgen beınesıýjetter sany 500-den asady.

400 tarıhshynyń basyn qosqan Kongress aıasynda «Halyq tarıh tolqynynda» maqalalar jınaǵynyń tusaýy kesildi. Tırajy - 3 myń dana.