Astanada Ulttyq ulan sarbazdary bir táýlikte úsh esirtki taratýshyny ustady
Kúdiktilerdiń birinshisi 18 qazanda saǵat 19:50 shamasynda qolǵa túsken. Esil aýdanynda qoǵamdyq tártipti qadaǵalaý kezinde áskerı jasaq aǵashtyń janynda birdeńe qaǵyp jasyryp jatqan azamatty baıqaıdy.
Jasaq bastyǵy Saıyskeldi Saılaýuly jáne qatardaǵy jaýyngerler Temirlan Aǵankeldıev pen Elaman Ábúıir dereý ony ustaýǵa áreket etti.
— Kúdiktiniń aǵashtar arasyna belgisiz zattary bar býmalar jasyrǵany anyqtaldy. Biz ony ustaǵan soń, sol aýmaqqa qosymsha tekserý júrgizdik, - deıdi áskerı jasaq bastyǵy.
Ustalǵan er adam polıtsııanyń ýchaskelik pýnktine jetkizildi. Tergeý-jedel toby kýágerlerdiń kózinshe onyń jeke zattaryn tintý kezinde ishinde jaǵymsyz ıisi bar, syrty jabysqaq taspamen oralǵan 64 paket tárkilendi.
Ekinshi oqıǵa Esil aýdany kósheleriniń birinde oryn aldy. Áskerı jasaq bastyǵy Erkebulan Parymbekov jáne patrýlshi jaýyngerler Beknur Aıashev pen Qurbanáli Naýryzbaı marıhýanasy bar baılam taýyp, iz kesý nátıjesinde taǵy eki esirtki kýrerin ustady. Oqıǵa ornyna polıtsııa qyzmetkerleri shaqyryldy.