Astanada úleskerlerdi aldaǵan qurylys kompanııalarynyń múlki tárkilendi

<p>Astana qalasynyń prokýratýrasy josyqsyz qurylys salýshylardyń múlkin memleket paıdasyna tárkiledi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

«Den qoıý aktileri negizinde memleket menshigine josyqsyz qurylys salýshylardyń 5 qabatty ǵımarat jer ýchaskesimen birge, turǵyn emes 7 úı-jaı ótti.

Bul sharalar problemalyq obektilerdi salýǵa jumsalǵan bıýdjet qarajatyn tolyqtyrýǵa múmkindik berdi.

7 talap qoıý arqyly 100-den astam úleskerdiń quqyǵy qorǵaldy», - delingen baspasóz baıanynda.

Málim etilgendeı, azamattar aqsha quıǵan obektiler qurylys salýshylardan alynyp, turǵyn úı-qurylys kooperatıvterine berildi. Bul, olardyń qurylysyn jalǵastyrýǵa múmkindik beredi.