Astanada úkimettik emes uıymdardy damytýǵa 2011-2012 jj. 120 mln teńge bólindi

ASTANA. 18 qarasha. QazAqparat - 2011-2012 jyldary elordanyń úkimettik emes uıymdary  áleýmettik memlekettik tapsyrys aýqymynda  jergilikti bıýdjetten qarjylyq kómek retinde 120 mln teńgeden astam aqsha aldy. Bul týraly  Astana qalasynyń  Іshki saıasat basqarmasyna sileteme jasaı otyryp astana.kz  saıtynan habarlady.

«2011-2012 jyldary elordanyń úkimettik emes uıymdaryna jergilikti bıýdjetten 120 mln teńgeden astam aqsha bólindi. Atalǵan qarjylyq kómek áleýmettik memlekettik tapsyrys aýqymynda jasaldy. Nátıjesinde elordanyń ÚEU 50 áleýmettik mańyzǵa ıe jobany júzege asyrdy. Olardyń qatarynda jastar máselelerine,  salaýatty ómir saltyna, otbasy men qoǵamdaǵy genderlik mádenıetke qatysty quqyqtyq jáne psıhologııalyq kómekter kórsetý jaıttary bar», - dep málimdedi  Astanada  ótken ǵylymı-tájirıbelik konferentsııada  Іshki saıasat basqarmasynyń ókilderi .

Konferentsııa  taqyryby:  «N.Nazarbaevtyń «Qazaqstannyń áleýmettik jańǵyrýy: Jalpyǵa ortaq  Eńbek qoǵamyna qaraı jıyrma qadam»  baǵdarlamalyq maqalasynda berilgen tapsyrmalardy júzege asyrýda ÚEU-nyń  róli týraly»  boldy.

Qazirgi kezde Astanada 280-ge tarta úkimettik emes uıym jumys isteıdi.