Astanada ÚEU-men ózara is-qımyl jónindegi úılestirý keńesiniń otyrysy ótti
Keńes jumysyna ortalyq jáne jergilikti atqarýshy organdardyń basshylary, úkimettik emes uıymdardyń ókilderi qatysty, dep habarlaıdy atalmysh vedomostvonyń baspasóz qyzmeti.
Din isteri jáne azamattyq qoǵam mınıstri Nurlan Ermekbaevtyń tóraǵalyǵymen ótken otyrysta memlekettik qyzmet kórsetý sapasyn arttyrýda ÚEU men halyqtyń pikirleriniń nazarǵa alynýy, ÚEU-men bilim berý salasyndaǵy ózara is-qımyl jáne ÚEU-ǵa syılyqaqy taǵaıyndaý máseleleri talqylandy.
Keńesi otyrysynda mınıstr Nurlan Ermekbaev, memlekettik organdar men ÚEU arasyndaǵy áriptestik qarym-qatynas ornatý qajettiligin, sondaı-aq, ózekti máseleler boıynsha usynystardy ázirleý kerektigin atap ótti.
Budan bólek, QR Parlamenti Májilisiniń depýtaty, QR balalar quqyqtary jónindegi ókili Zaǵıpa Balıeva sóz sóıledi.
«Elimizdegi bala quqyǵyna baılanysty eń ózekti máselelerdi sheshý úshin úkimettik emes uıymdar men memlekettik organdardyń ózara árekettesýiniń jańa deńgeıin engizý kerek, bul óz kezeginde kez kelgen azamattyq bastamalardy barynsha paıdalanýǵa, balalarǵa qatysty quqyqbuzýshylyqty boldyrmaýǵa, sonymen birge, balalardyń áleýmettik qorǵalmaǵan sanattaryna tikeleı kómek kórsetýge múmkindik beredi», - dedi Z.Balıeva.
Úılestirý keńesiniń otyrysynda úkimettik emes uıymdarǵa arnalǵan syılyqaqyny taǵaıyndaý máseleleri talqylandy. Syılyqaqy 15 nomınatsııa boıynsha, ÚEU-ǵa áleýmettik máselelerdi sheshýge qosqan úlesi úshin beriledi. Ol úkimettik emes uıymdarǵa aǵymdaǵy jylǵy 21 qarasha kúni saltanattty túrde tabystalady.
Sondaı-aq, otyrysqa qatysýshylar Shyǵys Qazaqstan, Aqtóbe, Qostanaı oblystarynyń ÚEU-men ózara árekettesý tájirıbesin talqylady.
ÚEU-men ózara is-qımyl jónindegi Úılestirý keńesiniń qorytyndysy boıynsha osy saladaǵy jumystardy odan ári jetildirý jóninde usynystar qabyldandy.