Astanada «Tyraýlap ushqan tyrnalar» spektakli ótedi
Spektakldiń avtory - Valentın Ejov. Qazaq tiline aýdarǵan - Áshirbek Syǵaı. Rejısserlyq nusqasyn jasaǵan -Talǵat Temenov.
«Eshkim de, eshnárse de umytylmaq emes! Uly Otan soǵysy... Sodan beri 70 jyl ótse de, ata-babalarymyzdyń jasaǵan erlikteri men keıingi urpaqqa syılaǵan jeńisi kimniń de bolsyn jadynda. Uly Jeńistiń 70 jyldyq mereıtoıynyń qarsańynda rejısser Talǵat Temenov sahnalap otyrǵan «Tyraýlap ushqan tyrnalar» atty lırıkalyq drama jeńisten keıingi sovet soldattarynyń ómirinen syr shertedi», - delingen teatrdyń habarlamasynda.
Qoıylym bas keıipker Pernebek Boranbaev pen nemis qyzy Inganyń arasyndaǵy kezdeısoqtyqtan týyndaǵan mahabbat taqyrybyn kóteredi. Osy aralyqta adamzatqa ortaq qasıet - mahabbat pen jaýyzdyq, adamgershilik pen syılastyq, óshpendilik pen súıispenshilik, saǵynysh pen meıirimdiliktiń ushqynyn spektakl barysynan kóre alasyzdar.
Qoıylym 29 naýryzda Astana ýaqytymen saǵat 18:30-da ótedi.