Astanada Túrkııanyń tuńǵysh prezıdenti Atatúrikke arnalǵan fotokórme ashyldy
«Búgin Uly Atatúrik babamyzdyń kórmesin tamashalaý múmkindigi týyp otyr. Elbasynyń ózi Atatúriktiń arqasynda Qazaqstan men Túrkııa baýyrlas elge aınalǵanyn tilge tıek etken bolatyn. Sondyqtan búginde uly Atatúriktiń ózi qazaq jerine kelmese de, onyń kózi osynda dep bilemin. Oǵan eki eldiń qatar turǵan Baıraqtary kýá», - dedi QR Parlamenti Májilisiniń depýtaty Muhtar Erman.
Sondaı-aq Túrkııanyń Qazaqstandaǵy Tótenshe jáne Ókiletti Elshisi Nevzat Ýıanyk búgingi sharanyń eki el arasyndaǵy qarym-qatynastardyń jemisi ekendigin atap ótti.
ıÝnýs Emre atyndaǵy túrik mádenıet ortalyǵynda til úırenip júrgen Albına Ábenova Túrkııanyń tuńǵysh prezıdentiniń portretin qaryndashpen salyp, qoǵam jáne memleket qaıratkerine degen degen qurmetin osylaı bildirgen. Albına Ábenova sýretti shara barysynda Túrkııa Elshisi Nevzat Ýıanykke tabys etti.
Sonymen qatar kórmede sóz alǵan Halyqaralyq Túrki akademııasynyń prezıdenti Darhan Qydyráli: «Búgin biz XXI ǵasyrdyń uly tulǵasy - Mustafa Kemal Atatúrikti eske alýǵa jınalyp otyrmyz. Ol tek Túrkııa eliniń irgesin qalap qana qoımaı, shyǵys halqyna, túrki dúnıesine úmit otyn syılady. Latyn álipbıin qabyldaı otyryp, túrkitildes halyqtarǵa jaqyndaı tústi», - dep atap ótti.
Al L.Gýmılev atyndaǵy Eýrazııa ulttyq ýnıversıteti halyqaralyq baılanystar jáne ınnovatsııa jónindegi prorektory Somjúrek Baýbek eki eldiń dostastyǵyn nyǵaıtýǵa baǵyttalǵan osyndaı sharalardy uıymdastyrýdyń mártebe ekendigin jetkizdi.
Kórmege kelgen qonaqtar halyq nazaryna buryn-sońdy usynylmaǵan 40-tan astam fotosýretti tamashalaı aldy. Shara sońynda EUÝ stýdentteri Atatúrikke arnaǵan óleń-jyrlaryn oqydy.