Astanada Túrki keńesiniń 7-sammıtine daıyndyq máseleleri talqylandy

NUR-SULTAN. QazAqparat – Astanada Túrki keńesiniń bas hatshysy Baǵdad Ámireev pen QR Syrtqy ister mınıstri Muhtar Tileýberdi Túrki keńesiniń 7-sammıtine daıyndyq máselelerin talqylady, dep habarlaıdy QazAqparat Túrki keńesi hatshylyǵyna silteme jasap.

30 qyrkúıekte kezdesken Baǵdad Ámireev men Muhtar Tileýberdi aldaǵy 15 qazanda Baký qalasynda ótetin Túrki keńesiniń 7-sammıtiniń daıyndyq máselelerin talqylady.

Kezdesýde M.Tileýberdi TMYK-tyń 7-sammıti barlyq múshe memleketterdiń múddelerine qyzmet etetin bul halyqaralyq uıymnyń tarıhyndaǵy aıryqsha oqıǵa bolatynyn atap ótti.

«B.Ámireev pen M.Tileýberdi Ózbekstannyń Túrki keńesine tolyqqandy múshe retinde kirýine, Majarstan baıqaýshy elinde keńestiń Eýropalyq ofıs-ókildiktiń ashylýyna, uıymnyń ekonomıkalyq vektorynyń nyǵaıýyna, sondaı-aq onyń basqa da halyqaralyq uıymdarmen yntymaqtastyqtyń barysyna zor qanaǵattanýshylyq bildirdi», delingen habarlamada.

QR Syrtqy ister mınıstri Bas hatshyǵa uıymǵa múshe memleketter arasyndaǵy yntymaqtastyqty ári keńeıtý jolyndaǵy jumystaryna sáttilik tilep, aldaǵy sammıt Túrki keńesine múshe elderdiń birligin odan ári nyǵaıtý jolynda mańyzdy qadam bolatynyna senim bildirdi.