Astanada túrki ádebıet ınstıtýttarynyń basshylary bas qosty
Túrki áleminiń Ulttyq ǵylym akademııalary odaǵy sheńberinde ótken jıynǵa Ázerbaıjan Ulttyq ǵylym akademııasynyń vıtse-prezıdenti, Nızamı atyndaǵy Ádebıet ınstıtýtynyń dırektory Isa Gabıbbeılı, Qyrǵyz Respýblıkasy Ulttyq ǵylym akademııasynyń vıtse-prezıdenti Abdyldajan Akmatalıev, Túrik tili qoǵamynyń tóraǵasy Mýstafa Kachalın, QR UǴA akademıgi Seıit Qasqabasov, Tatarstan Ǵylym akademııasy Ǵ.Ibragımov atyndaǵy Til, ádebıet jáne óner ınstıtýtynyń dırektory Kım Mınýllın, M.O.Áýezov atyndaǵy Ádebıet jáne óner ınstıtýtynyń dırektory Ýálıhan Qalıjan qatysty.
Jıyn barysynda Qazaqstan Respýblıkasynyń Prezıdenti N.Á.Nazarbaevtyń Astanada ótken Túrki keńesiniń 5-shi sammıtinde bergen tapsyrmasy boıynsha qolǵa alynyp jatqan «Atalar mırasy» ǵylymı jobasy, sonymen qatar «Ortaq túrki ádebıeti» oqýlyǵynyń tujyrymdamasy talqylandy. Atalǵan jobalardy iske asyrý úshin ádebıet ınstıtýttary arasynda áriptestik jónindegi kelisim jasaldy.
Aıta ketý kerek, buǵan deıin Halyqaralyq Túrki akademııasy «Ortaq Túrki tarıhy» oqýlyǵyn ázirledi. Oqýlyq ústimizdegi jyldyń 11 qyrkúıeginde ótken Túrki keńesi Memleket basshylarynyń besinshi sammıtinde joǵary baǵalandy. Akademııa osy ıgi bastamany jalǵastyryp, túrki halyqtaryna ortaq ádebıet pen geografııa oqýlyqtarynyń jalpy nusqasyn daıyndaýda.