Astanada turǵyn úıler ishindegi jylý berý júıesin jańartýǵa aıryqsha mán beriledi
«Keıbir turǵyn úıler ishindegi ınjenerlik jeliler óte nashar jaǵdaıda. Sondyqtan Páter ıeleri kooperatıvteri, kondomınıýmdar bul máselege aıryqsha mán berýi tıis. Bizde ókilettilikter men jaýapkershilikter bólingen. Eger magıstraldyq jeliler boıynsha ystyq sý men jylý turǵyn úıge deıin tıisti deńgeıde jetkizilse de, úı ishindegi ınjenerlik jeliler ár páterge jylý men sýdy irkilissiz qamtamasyz ete almasa, onda problemamen tolyqqandy aınalysý kerek»,-dedi I. Tasmaǵambetov. Osy oraıda qala ákimi aldaǵy jylý berý maýsymyna deıin tıisti jumystardy PIK-termen birlese sheshý kerektigin atap ótti.
Elorda ákiminiń orynbasary Vasılıı Krylovtyń sózine qaraǵanda, jylý berý irkilisteri boıynsha shaǵymdar birinshi kezekte, ıaǵnı turǵyn úı qoryndaǵy negizgi problema - ol úı ishindegi ınjenerlik jelilerdiń jaǵdaıyna baılanysty. 40 jyl buryn salynǵan turǵyn úılerde jylý berý júıesiniń tozyǵy jetken.
Taratylǵan málimetterge qaraǵanda, byltyrǵy sáıkes kezeńmen salystyrǵanda jylý berý kezeńinde úıishilik jylytý júıelerinde oryn alǵan irkilister boıynsha shaǵymdar sany 32 paıyzǵa artqan eken.