Astanada turǵyn úıdiń birinde terezedegi jaryqtardan «7 mamyr» jazýy quraldy (FOTO)

ASTANA. QazAqparat - Qazaqstannyń Qarýly Kúshterinde mańyzdy meıram - QR Otan qorǵaýshylar kúnine daıyndyq qyzý júrip jatyr. Bul mereke soǵys kezinde elimizdi qorǵaǵan jáne búginde Otanǵa adal qyzmet etip júrgen azamattar úshin qasterli kún, dep habarlaıdy QR Qorǵanys mınıstrliginiń baspasóz qyzmeti.

Barshany kele jatqan meırammen quttyqtaǵan elimizdiń eń kishkentaı azamattary, QR Qarýly Kúshteri áskerı qyzmetshileriniń balalary alǵashqylardyń biri boldy. Otan qorǵaýshylar kúni qarsańynda olar erekshe aktsııa ótkizdi. Elordamyzdyń turǵyn úı keshenderiniń birinde balalar keremet quttyqtaý uıymdastyrdy.

Keshki qarańǵyda záýlim úılerdiń birinde jaryqtary janǵan terezelerden «7 MAMYR» jazýy paıda boldy. «Osynaý fleshmobty ótkizý ıdeıasy kenetten týyndady, - deıdi uıymdastyrýshylar. Biz aıryqsha jolmen quttyqtaıyq dep sheshtik. Sol úshin osyndaı terezeden túsken jaryqpen nazardy aýdartqymyz keldi».

Uıymdastyrýshylardyń pikirinshe, aktsııa patrıottyq sezimdi, seriktik rýh pen birlikti bildirýge yqpal etip, barsha qazaqstandyqtardy mundaı aktsııalardy óz úılerinde ótkizýge, Otan qorǵaýshylarymyzǵa aıryqsha syılyq jasaýǵa shaqyrady.