Astanada turǵyn úıdiń balkony opyryldy (FOTO)
Kýágerlerdiń aıtýynsha, aýlaǵa balalar kirgen kezde kirpishter, aǵash qurylǵylar jáne áınek qulaı bastaǵan. Opyrylyp qulaǵan balkonnyń synyqtary úı janynda turǵan avtomobıldi zaqymdaǵan. Abyroı bolǵanda, adamdar zardap shekken joq.
«Úıdiń salynǵanyna 20 jyl bolǵan. Ol áýelde-aq durys salynbaǵan. Birneshe jyldan beri ol apatty jaǵdaıda dep tanylǵan. Biz eki aı buryn ony jańartýǵa qol jınadyq. Ákimdikte jaqynda tıisti jumystar júrgiziledi degen bolatyn. Áıteýir eshkim zardap shekpedi. Bul jerde ádette kóptegen bala oınap júretin edi. Oqıǵa bolǵan kezde PIK-ke habarlastyq, al onyń basshylyǵyn TJ organdary men ákimdik qyzmetkerleri shaqyrdy. Úıdiń ishki jaǵy aman, tek syrtqy jaǵy ǵana. Biraq ta úıdiń problemalary jetedi, ózderińiz de qandaı jaǵdaıda ekenin kórip tursyzdar», - dedi úı turǵyndarynyń biri.
Oqıǵa ornyna kelgen elordalyq ákimdik pen TJD qyzmetkerleri qandaı da bir túsindirme berýden bas tartty.
Astana ýaqytymen saǵat 22.00-de úıge mamandar kelip, arnaıy tehnıkamen opyrylǵan ǵımarattyń syrtqy qasbetin arshýǵa kiristi.