Astanada tumaýǵa qarsy vaktsınatsııa bastaldy

<p>&nbsp;Elordada tumaýǵa qarsy vaktsına alý maýsymy júrip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

«Vırýstyq ınfektsııalar taraýyna baılanysty azamattarǵa tumaýǵa qarsy vaktsına alýǵa keńes beremin. Uıymdar men kásiporyn basshylary eńbek ujymynyń ımmýndyq qaýipsizdigin ýaqytyly nazarǵa alýy kerek. Sebebi tumaýdyń aldyn alýdyń eń tıimdi ádisi - ýaqtyly vaktsınatsııa. Tumaý vırýsy jyl saıyn mýtatsııaǵa ushyraıdy, sondyqtan jyl saıyn epıdemııalyq maýsymda vaktsına alý kerek», - dedi Astana qalasynyń sanıtarııalyq-epıdemıologııalyq baqylaý departamenti basshysynyń orynbasary Janna Pirálıeva qalalyq kommýnıkatsııalar qyzmeti alańynda ótken baspasóz máslıhatynda. 

Onyń aıtýynsha, tumaýǵa qarsy vaktsınany qalanyń kez kelgen emhanasynan alýǵa bolady. Ekpe halyqtyń birqatar sanatyna tegin. 

«Tumaý aýyr túrde juqsa asqynýǵa aparady. Atalǵan aýrýdyń aldyn alý men saqtanýda vaktsına kómektesedi. Tumaýdan nelikten qorqamyz? Sebebi ol ortalyq júıke júıesimen birgeń asqynýymen ólim jaǵdaıyna alyp kelýi múmkin»,- deıdi Astana medıtsına ýnıversıteti balalar juqpaly aýrýlary kafedrasynyń dotsenti Baıan Turdalına.