Astanada túlekterge jumys tabýǵa kómek kórsetildi
Onda ónerkásiptik óndiris, qyzmet kórsetý, medıtsına, qurylys jáne t.b. salalarda qyzmet etetin 50-den astam kompanııa bos jumys oryndaryn usyndy. Oqý oryndarynyń túlekteri áleýetti jumys berýshilermen áńgimelesýden ótip, elordadaǵy eń qajetti mamandyqtarmen tanysty.
Sonymen qatar, stýdentter memlekettik baǵdarlama aıasynda jumysqa ornalasý máseleleri boıynsha keńes aldy.
«Jumyspen qamtý jol kartasy - 2020» baǵdarlamasyn iske asyrý aıasynda jumys tájirıbesi joq orta arnaıy, joǵary oqý oryndarynyń túlekterine arnalǵan jastar praktıkasy baǵyty iske qosylǵan. Olarǵa bastapqy tájirıbe jınaý úshin alty aıǵa ýaqytsha jumys beriledi, eńbekaqy memleket tarapynan tólenedi. Dıplom alǵan túlek Jumyspen qamtý ortalyǵynan jumys berýshimen áńgimelesýge joldama alady, eger oń jaýap alatyn bolsa, qujattar tizimin jınap, baǵdarlamaǵa qatysady», - dedi Jumyspen qamtý ortalyǵynyń kásiptik oqytý bólimi basshysynyń orynbasary Azamat Baıtasov.
Baǵdarlama aıasynda kásibı oqytý da iske asyrylady. Mamandyqty ıgerip, jumys taba almaǵandar nemese suranysy joq kásipti meńgergender daıarlaý, qaıta daıarlaý jáne biliktilikti arttyrý boıynsha tegin kýrstarǵa jiberiledi.
Elordada bos oryndar jármeńkeleri turaqty túrde ótkiziledi, bos jumys oryndaryn izdeý máseleleri boıynsha Beıbitshilik k-si, 25 meken jaıynda ornalasqan Astana qalasynyń Jumyspen qamtý ortalyǵyna júginýge bolady.