Astanada týǵan sábılerge dombyra syıǵa berildi

ASTANA. QazAqparat - Elordada 1 shildege qaraǵan túni dúnıege kelgen sábılerge dombyra syılandy, dep habaralıdy QazAqparat qala ákimdigine silteme jasap.

Ulttyq dombyra kúnine oraı, Qazaqstan halqy Assambleıasynyń astanalyq fılıaly men Astana ákimdigi qalanyń eki perınataldyq ortalyǵynda «Babalardyń kózindeı qasıetti Dombyra» qaıyrymdylyq aktsııasyn ótkizdi. «Atalǵan aktsııanyń maqsaty - qazaqtyń ulttyq aspaby dombyrany nasıhattaý arqyly ulttyq mádenıetti saqtaý jáne jandandyrý. Ázirge 00:00 men 09:00 aralyǵynda Astananyń barlyq perzenthanalarynda 29 sábı dúnıege keldi», - delingen Astana ákimdiginiń resmı saıtynda. 

Eske sala  ketsek,  Memleket basshysy Nursultan Nazarbaev ulttyq mádenıet pen biregeılikti saqtaý men qaıta jańǵyrtý ıdeıasynyń tóńireginde qoǵamdy odan ári toptastyrý maqsatynda shildeniń alǵashqy jeksenbisin - Ulttyq dombyra kúni dep belgileý týraly Jarlyqqa qol qoıǵan bolatyn.

Atalǵan qujatqa sáıkes búgin Qazaqstan jurtshylyǵy Ulttyq dombyra kúnin alǵash ret atap ótýde.