Astanada tsıfrlyq ınvestıtsııalyq platformanyń pılottyq jobasy tanystyryldy

<p><strong>ASTANA. KAZINFORM &ndash; Úkimet basshysy Oljas Bektenov tsıfrlyq keńsede otandyq bıznes sýbektileriniń jumys kórsetkishteriniń ózgerý dınamıkasyn tekserdi. Óńirlerge jumys saparlary sheńberinde barǵan kásiporyndardyń derekteri qaraldy.&nbsp;</strong></p>

Óndiris kólemi, sondaı-aq satyp alýshy kompanııalarmen baılanysy arqyly kásiporyndardy qaıta júkteý boıynsha qabyldanyp jatqan sharalardyń áseri zerdelendi.

Aıta keteıik, búginde ımporttyń joǵary deńgeıi baıqalyp otyrǵan otandyq taýarlar men qyzmetterdi óndirýshilerdiń tizimi bar kompanııalar úshin SMS-habarlandyrý iske qosyldy. Sondaı-aq 364 kompanııa alǵashqy habarlamalardy aldy.

Jalpy alǵanda, tsıfrlyq jumystar ónerkásip óndirisiniń ósýin qamtamasyz ete otyryp, tapsyrmalardyń oryndalý mártebesin naqty ýaqyt rejıminde baqylaýǵa baǵyttalǵan.

Premer-Mınıstr «Samuryq-Qazyna» qorynyń qazaqstandyq qamtý úlesin arttyrý jónindegi jumysynyń nysanaly ındıkatorlarymen tanysyp, sapaly ózgeristerge qol jetkizý úshin KPI kórsetkishterin arttyrýdy tapsyrdy.

Sonymen qatar tsıfrlyq ınvestıtsııalyq platformanyń pılottyq jobasy tanystyryldy. Onyń maqsaty – ınvestıtsııalyq jobalardy iske asyrýdy jeńildetý ári jasandy ákimshilik kedergilerdiń týyndaýyna jol bermeý.