Astanada tozyǵy jetken jylý júıesi jańǵyrtylyp jatyr

<p>ASTANA. KAZINFORM &ndash; Jyl saıyn Astana qalasyndaǵy jylý júıesi ret-retimen jańǵyrtylyp jatyr. Áıtpese tozyǵy jetken qubyrlar apatty jaǵdaıdyń týyndaýyna túrtki bolyp, turǵyndar zardabyn tartatyny aıtpasa da túsinikti. Osy rette, &laquo;Astana-Teplotranzıt&raquo; AQ basshylyǵy press-týr barysynda ınvestıtsııalyq baǵdarlamalar sheńberinde atqarylǵan jumystardy kórsetti.</p>

Atalǵan kásiporynnyń basqarma tóraǵasynyń óndiris jónindegi orynbasary Marat Seıtqazıevtiń aıtýynsha, ınvestbaǵdarlamalyq jobalar byltyr bastaý alǵan.

Foto: Vıktor Fedıýnın/ Kazinform

«Jylý júıesinde ótken ǵasyrdyń 90-jyldarynan beri qoldanylyp kele jatqan qubyrlar az emes. Saldarynan apatty jaǵdaılar jıi tirkeledi. Bul rette, byltyr Petrov kóshesi, 18/1 mekenjaıy boıynsha 8(42)-QT jylý trassasyn jáne Ýálıhanov kóshesi, 9/1, 9/2 mekenjaıyndaǵy jylý trassasyn qaıta jańartý jumystary sátti aıaqtaldy. Bul – jylý júıesindegi apattyń aldyn alyp, turǵyndarǵa sapaly qyzmet kórsetýge múmkindik beredi», - dedi ol.

Foto: Vıktor Fedıýnın/ Kazinform

Bıyl Jırentaev kóshesi, 14-úıden bastap 16-úıge deıin jylý trassasyn qaıta jańartý jumystary qolǵa alynǵan. Nátıjesinde 791 metr eskirgen qubyrlar jańartylǵan. Joba quny – 363 mıllıon teńge.

Sondaı-aq Saryarqa kóshesi, 17 mekenjaıy boıynsha turǵyn úı mańyndaǵy jylý kamerasynan bastap Saryarqa dańǵyly, 15, 17 úılerge deıin boıynsha jylý trassasyn qaıta jańartý jumystary aıaqtalýǵa jaqyn.

Foto: Vıktor Fedıýnın/ Kazinform

Belgili bolǵandaı, tóselip jatqan qubyrlar otandyq ónimder eken. Sapasyna toqtalsaq, 25 jylǵa deıin qyzmet kórsetýge qaýqarly. 

Aıta keteıik, «Astana-Teplotranzıt» AQ ıeliginde 1009, 253 km jylý trassasy bar. Olardyń qalypty jumys isteýi úshin aldaǵy ýaqytta da ınvestıtsııalyq baǵdarlamalar sheńberinde jańǵyrtý jumystary jalǵasyn tappaq.

Foto: Vıktor Fedıýnın/ Kazinform