Astanada tórelik tyńdaý boıynsha stýdenttik baıqaý jeńimpazdary marapattaldy
10-15 naýryz kúnderi Astana halyqaralyq tórelik ortalyǵynda IAC Central Asia Vis Pre-Moot 2023 tórelik tyńdaýlar boıynsha stýdenttik konkýrs ótti.
Bıylǵy jarysqa 16 elden 100-den astam stýdent qatysty. Onyń ishinde TMD elderinen 8 komanda, Qazaqstannan – 2 komanda, Eýropadan – 6 komanda jáne Azııadan – 6 komanda bar.
Halyqaralyq zań fırmalary men tórelik birlestikterdiń 50-den astam tóreshileri men zańgerleri qatysýshylardyń daǵdylaryn baǵalady.
Osy baıqaý arqyly stýdentter halyqaralyq kommertsııalyq quqyq pen tórelikti zerdeleýge múmkindik aldy, is júzinde halyqaralyq iskerlik daýlardy sheshýge tyrysty.
«AQSh-taǵy seriktesterimizdiń qoldaýymen Astanada zań fakýltetteriniń stýdentteri arasynda, Azııadan ǵana emes, álemniń túkpir-túkpirinen kelgen stýdentter arasynda baıqaý ótti. Astananyń barlyq eldi biriktiretin jáne osyndaı tamasha sharalardy ótkizetin hab bolǵany qýantady. Keı stýdentter bul baıqaýǵa birneshe jyl qatar qatysyp keledi. Olardyń daǵdylary ótken jyldarmen salystyrǵanda anaǵurlym jaqsardy, kásibı qasıetterin shyńdady. Muny bizdiń tóreshimiz de atap ótti. Joǵaryda aıtqanymdaı, bul sharalardyń barlyǵy bizdiń amerıkalyq seriktesterimizdiń qoldaýymen júzege asyryldy. Búgingi stýdentter – bizdiń bolashaq áriptesterimiz, zańgerlerimiz jáne balalardyń osyndaı kásibı daǵdylarǵa ıe ekeni erekshe nazar aýdartady», - dedi AHQO Soty jáne HTO tirkeýshisi jáne apparat basshysy Krıstofer Kempbell-Holt.
Bıylǵy baıqaýdyń fınaly oflaın rejımde ótti, onda Ózbekstan (Tashkent memlekettik zań ýnıversıteti) men Pákistan (Ulttyq ǵylym jáne tehnologııalar ýnıversıteti) komandasy birinshi orynǵa talasty.
Sońǵy raýndtyń tóreshileri HTO tóraǵasy Tomas Krıýmmel, HTO birinshi tóraǵasy jáne HTO tóreshiler paneliniń múshesi Barbara Domann KC jáne White and Case zań kompanııasynyń (London, Ulybrıtanııa) zańgeri Ivan Fılıppov boldy.
Nátıjesinde Tashkent memlekettik zań ýnıversıtetiniń komandasy jeńimpaz atandy. Kýbokty Samandarbek Norboev pen ıÝldyz Abdýsolıhova aldy.
Sonymen birge, Pákistannyń Ulttyq ǵylym jáne tehnologııalar ýnıversıtetiniń fınalısteri de marapatqa ıe boldy.
Krıstofer Kempbell-Holt olardyń joǵary deńgeıdegi daıyndyǵyn, kásibıligin atap ótti.
«Fınalıster qaraǵan is Venadan bastaý alatyn kommertsııalyq arbıtrajǵa qatysty boldy. Іs qazirgi zamanǵa saı boldy jáne osy sot isine qatysqan advokattardyń úlken daǵdylary men tájirıbesin qajet etti. Biz munymen toqtap qalmaı, bolashaqta osyndaı konkýrstar ótkizýdi josparlap otyrmyz. Sheteldik stýdentterdiń daǵdylaryn arttyryp qana qoımaı, qazaqstandyq zańgerlerdiń kásibılik deńgeıi de artyp keledi», - dep tolyqtyrdy Krıstofer Kempbell-Holt.
Aıta keteıik, tórelik tyńdaýlar boıynsha konkýrs AQSh Saýda mınıstrligi janyndaǵy kommertsııalyq quqyqty damytý baǵdarlamasynyń (CLDP) qoldaýymen ekinshi jyl qatarynan ótip keledi.
Bul Ortalyq Azııa men TMD elderiniń stýdentterine aýyzsha advokatýra semınarlarynan ótýge jáne halyqaralyq deńgeıdegi jattyqtyrýshylarmen Vis Moot-qa daıyndalýǵa múmkindik beredi.